လက်သည်းနီဆိုးပြီးသွားတဲ့အချိန်တွေမှာ မခြောက်သေးလို့စောင့်နေရတာတွေ၊ ခြောက်သွားပြီထင်ပြီး ထိမိသွားလို့ထပ်ပြီးတော့ ဆိုးရတဲ့စိတ်ညစ်ရတဲ့အချိန်မျိုးတွေတော့ ရှိခဲ့ဖူးမှာပါ။ ဒီလိုပြဿနာတွေကို ဖြေရှင်းနိုင်ဖို့အတွက် နည်းလမ်းကောင်းတစ်ခုကိုရှာတွေ့ထားပါတယ်။ ဒီနည်းလမ်းက လွယ်ကူရိုးရှင်းပြီး ပျိုမေတို့ရဲ့ခက်ခဲမှုတွေကို ကောင်းကောင်းဖြေရှင်းပေးနိုင်မှာပဲဖြစ်ပါတယ်။
ပျိုမေတို့ဆိုးမယ့်လက်သည်းနီအရောင်ကို ရွေးချယ်ပြီးသွားပြီဆိုရင် လက်သည်းလေးတွေကိုအရင်သန့်ရှင်းပေးထားလိုက်ပါ။ လက်သည်းနီတွေကို မြန်မြန်ခြောက်စေဖို့ ရေခဲထည့်ထားတဲ့ရေခွက်ကို ဘေးနားချထားပေးဖို့တော့လိုပါလိမ့်မယ်။
ပျိုမေတို့ရဲ့လက်ချောင်းလေးတွေကို လက်သည်းနီကိုဆိုးပြီးသွားရင် တစ်မိနစ်လောက် ဒီတိုင်းထားထားပေးလိုက်ပါ။ ပြီးရင်တော့ ရေခဲထည့်ထားတဲ့ရေခွက်ထဲကို လက်ချောင်းတွေ အကုန်လုံးထည့်ပြီး ၃ မိနစ်လောက်စိမ်ထားပေးလိုက်ပါ။ အချိန်ပြည့်သွားလို့ လက်ချောင်းလေးတွေကို ပြန်ထုတ်လိုက်ပြီဆိုရင် ရေစက်လေးတွေက လက်သည်းပေါ်မှာတင်နေပါလိမ့်မယ်။ ဒီလိုဆိုရင်တော့ လက်သည်းနီတွေအကုန်ခြောက်သွားပြီလို့ ဖော်ပြနေတာပဲဖြစ်ပါတယ်။
လက်သည်းနီဆိုးတဲ့အချိန်တိုင်းမှာ လက်သည်းနီတွေမခြောက်သေးလို့ လေနဲ့မှုတ်နေရတာမျိုးတွေ၊ ဟိုဟာမကိုင်ရဲ ဒီဟာမကိုင်ရဲနဲ့ပျက်သွားမှာ ကြောက်နေတဲ့သူတွေလည်း ဒီလိုပြဿနာတွေကနေ လွတ်မြောက်ပြီး၊ လက်သည်းနီဆိုးပြီးတဲ့အခါ အချိန် ၁၅ မိနစ်လောက်ပေးနေရတာကလည်း ဒီနည်းလမ်းလေးနဲ့ဆိုရင် အချိန်ကုန်သက်သာပြီပေါ့။
Photo Source: Unsplash
