ကျွန်မတို့အသက် (၂၀) အရွယ်ဝန်းကျင်လောက်မှာ ကိုယ်ကြိုက်တဲ့ဘယ်ဒီဇိုင်းမျိုးကိုမဆို၊ ဘယ်ဖက်ရှင်မျိုးကိုမဆို တောင်ပုံယာပုံရှာဝတ်လို့ရပါတယ်။ (၃၀) နားနီးလာပြီဆိုရင်တော့ နည်းနည်းလျှော့ဝတ်ရပါပြီ။ ရွေးချယ်စရာက (၂၀) အရွယ်တုန်းကထက် တစ်ဝက်လောက်နည်းသွားပါတယ်။

ဒီတော့ ရွေးချယ်စရာကလည်းနည်းရတဲ့ထဲကမှ ကိုယ်ရွေးဝတ်လိုက်တဲ့ အဝတ်အစားကြောင့် အသက်ကြီးတယ်လို့ အထင်ခံရတာမျိုးမဖြစ်သေးပါဘူး။ အသက်အရွယ်အလိုက် ဘယ်လိုရွေးချယ်သင့်တယ်။ ဘယ်လိုလေးဝတ်သင့်တယ်ဆိုတာကိုတော့ အောက်မှာပဲဆက်ကြည့်လိုက်ကြရအောင်ပါ။

၁။ တံဆိပ်ကိုကြည့်ပါ

နာမည်ကြီး Brand တွေတော်တော်များများက သူတို့ထုတ်လိုက်တဲ့ထုတ်ကုန်တွေကို အသက်အရွယ်အပိုင်းအခြားတစ်ခုအတွက်သာ ရည်ရွယ်ပြီးထုတ်ထားကြပါတယ်။ ဘယ်အင်္ကျီမဆို ဝတ်ထားရင်တော့ ကိုယ့်ကိုယ်ပေါ်မှာကပ်ပါပြီး ကိုယ်ဘယ်သွားသွား လိုက်နေမှာပါပဲ။ ကြည့်ကောင်းတာနဲ့ ကြည့်မကောင်းတာပဲရှိတာပါ။ ဒါကြောင့် ဘယ်အသက်အရွယ်အတွက် ရည်ရွယ်ပြီးထုတ်လုပ်ထားတယ်ဆိုတာကို အရင်သိအောင်စုံစမ်းပြီးမှဝယ်ပါ။

၂။ အရောင်

အင်္ကျီ (၁၀) ထည်မှာ (၉) ထည်လောက်က အမဲရောင်တွေ၊ အညိုရောင်တွေနဲ့ မီးခိုရောင်တွေချည်းပဲရှိနေမယ်ဆိုလည်း မဟုတ်သေးပါဘူး။ ကိုယ်ကငယ်သေးတာပဲ။ အရောင်မျိုးစုံကိုစမ်းဝတ်ကြည့်ပေါ့။ အပြောင်းအလဲတွေလုပ်ရမှာကို မကြောက်ရွံ့ပါနဲ့။

၃။ အသေးစိတ်ကိုကြည့်ပါ


တစ်ခါတလေ (၄၀) ကျော်အတွက်ထုတ်ထားတဲ့ အင်္ကျီနဲ့ (၂၀) ကျော်အတွက်ထုတ်ထားတဲ့ အင်္ကျီဒီဇိုင်းက သိပ်မကွာဘူး။ ဘယ်မှာအဓိကကွာသွားလဲဆို လည်ပင်းအကျယ်တွေ၊ အတို၊ အရှည်တွေနဲ့ နောက်ကျောပြည့်ဟုတ်မဟုတ်တွေစသဖြင့်သာ ကွာသွားတတ်ပါတယ်။ နှစ်ခုယှဉ်ရွေးရတဲ့အခါမျိုးမှာ လူကြီးအဆင်ကို ပိုလှတယ်လို့မထင်သွားမိဖို့သာ ဆုတောင်းပေးလိုက်ပါ့မယ်။

၎။ ဖိနပ်

ဖိနပ်တွေကိုလည်း အင်္ကျီနဲ့လိုက်ဖက်မယ့် ဒီဇိုင်းမျိုးစုံ၊ အရောင်မျိုးစုံစမ်းဝတ်ကြည့်ပါ။ အဓိကက အပြောင်းအလဲလုပ်ဖို့ကိုသာ မကြောက်ပါနဲ့။

၅။ လက်ဝတ်လက်စား

သင်ကဆယ်ကျော်သက်အရွယ်ဆို လက်ဝတ်လက်စားတွေကို အရမ်းကြီးတာကြီးတွေ အမြဲတစေမဝတ်မိပါစေနဲ့။ သေးသေးလေးတွေကိုသာ အတတ်နိုင်ဆုံးရွေးဝတ်ပေးပါ။ ကြီးတာတွေမှဝတ်ချင်တယ်ဆိုလည်း တစ်ဆင်အပြည့်မဝတ်ပါနဲ့။ နားတွဲကြီးကြီးဆွဲမယ်ဆို ဆွဲကြီးနဲ့လက်ကောက်ကို သေးသေးလေးသာဆွဲပါ။

Source: Pinterest