S.M Entertainment နဲ့ စာချုပ်ပြည့်သွားပြီးနောက် ပရိသတ်နဲ့ အဆက်အသွယ် အနည်းငယ်ပြတ်သွားခဲ့တဲ့ Tiffany တစ်ယောက် ဘာတွေလုပ်နေသလဲလို့ သူ့ပရိသတ်တွေကတော့ စိတ်ဝင်စားနေကြပါတယ်။
သူမရဲ့ Instagram အကောင့်မှာတော့ နေ့စဉ်လှုပ်ရှားမှုတွေကို တင်ပေးလေ့ရှိလို့ သိနိုင်ပါတယ်။
လက်ရှိ California မှာ နေထိုင်နေပြီး ကင်မရာတစ်လုံးကိုင်ထားလို့ အကျီ င်္ အနီရောင်နဲ့ ကမ်းခြေမှာ အလှဆုံးပြုံးနေတဲ့ပုံကို မကြာသေးခင်ကမှာ သူမရဲ့ အင်စတာဂရမ်အကောင့်မှာ တင်ထားပါတယ်။
သူမရဲ့ ဓာတ်ပုံရှုတင်နောက်ကွယ်က ပုံတွေကိုလည်း တင်လေ့ရှိပြီး ပရိသတ်တွေနဲ့ အဆက်မပြတ်အောင် ကြိုးစားနေပါတယ်။
အေဂျင်စီနဲ့ စာချုပ်သက်တမ်းပြည့်ပြီးတဲ့နောက် အမေရိကန်ပြည်ထောင်စုမှာ သရုပ်ဆောင်နဲ့ ဂီတပညာကို လေ့လာနေပြီး ပရိုမိုးရှင်းလုပ်ဖို့လည်း ပြင်ဆင်နေပါတယ်။
Tiffany ရဲ့ အမေရိကားမှာလုပ်နေတဲ့ လုပ်ဆောင်မှုတွေကြောင့် Girls’ Generation အဖွဲ့ကွဲသွားမှာကို ဖန်တချို့က စိတ်ပူနေကြပေမယ့် S.M Entertainment ကတော့ အနာဂတ်မှာလည်း အဖွဲ့အဖြစ် ဆက်ပြီးလုပ်ရှားမှု Activities တွေအကြောင်းကို အဖွဲ့ဝင်တွေအားလုံးနဲ့ ဆွေးနွေးသွားမှာဖြစ်တယ်လို့ ဆိုပါတယ်။
