မည်သည့်လေ့ကျင့်ခန်းမဆိုပြုလုပ်ခြင်းက ကျန်းမာရေးကောင်းမွန်ဖို့ အထောက်အကူဖြစ်နိုင်သော်လည်း ထိုလေ့ကျင့်ခန်းပုံစံအမျိုးမျိုးတွေထဲကမှ ရေကိုအခြေပြုပြီး ပြုလုပ်ရတဲ့ လေ့ကျင့်ခန်းတွေက ပိုမိုထိရောက်မှုရှိတာကို တွေ့မြင်နိုင်ပါတယ်။

ရေထဲသို့ရောက်သွားသည့်အခါမှာ သင့်ခန္ဓာကိုယ်က ပုံမှန်အချိန်တွေထက် ၉၀ ရာခိုင်နှုန်း ပိုမိုပေါ့ပါးနေတာကို ခံစားမိနိုင်ပြီး ရေအတွင်းလေ့ကျင့်ခန်းပြုလုပ်ခြင်းက နေ့စဉ်ပြုလုပ်နေကျ Gym လုပ်ထုံးများနဲ့ တမူကွဲပြားစေမှာဖြစ်ပါတယ်။

ရေအတွင်းလေ့ကျင့်ခန်းလုပ်ခြင်းက ကလေးလူကြီးကျားမ မရွေး ပျော်ရွှင်စိတ်ချမ်းမြေ့မှုကိုပေးစွမ်းနိုင်သလို အရိုးထိခိုက်ဒဏ်ရာရှိသူများ၊ ကိုယ်ဝန်ဆောင်သည်များ နှင့် ၀ဖြိုးသောသူများဖြင့်ပါ အထူးသင့်တော်မှုရှိပါတယ်။ ထို့အပြင် မည်သည့်အားကစားပစ္စည်းအကူအညီမှ လိုအပ်မည်မဟုတ်သလို ရေကူးကန်တစ်ခုရှိရုံဖြင့် လွယ်လင့်တကူလုပ်ဆောင်နိုင်မှာဖြစ်ပါတယ်။ ထို့ကြောင့် ရေထဲတွင် လေ့ကျင့်ခန်းပြုလုပ်ခြင်းက သင့်ကျန်းမာရေးကို မည်ကဲ့သို့အကျိုးကျေးဇူးများ ပေးစွမ်းနိုင်သလဲသိရအောင် ဝေမျှပေးလိုက်ရပါတယ်။

၁။ ကိုယ်အလေးချိန်ကျဆင်းစေခြင်း

ရေတွင်းလေ့ကျင့်ခန်းများကို ဆော့ကစားသည့်အချိန်မှာ ရေအရှိန်နှင့်လိုက်၍ မိမိတို့၏နှလုံး၊ ကြွက်သားများကိုပါ တပါတည်းလေ့ကျင့်ခန်းပြုလုပ်ရာရောက်သဖြင့် ကိုယ်အလေးချိန်လျော့ကျရန်အတွက် အထူးကောင်းမွန်ပါတယ်။

၂။ အဆစ်များကိုသန်မာစေခြင်း

ရေ၏ဖော့နိုင်သောသတ္တိက လူ့ခန္ဓာကိုယ်ရှိ အဆစ်များအပေါ် ဖိအားများများမပေးသောကြောင့် နာကျင်မှု၊ ရောင်ရမ်းမှုများဖြစ်ပေါ်ခြင်းကို လျှော့ချနိုင်မှာဖြစ်ပါတယ်။

၃။ ကိုယ်ခန္ဓာကိုပျော့ပြောင်းမှုရှိစေခြင်း

မြေပေါ်၌လေ့ကျင့်ခန်းပြုလုပ်သည့်အချိန်များတွင် ကမ္ဘာမြေဆွဲအားသက်ရောက်မှုနှင့် ပြုတ်ကျမှာကြောက်သည့်စိတ်တို့ကြောင့် စိတ်တိုင်းကျရွေ့လျားခွင့် မရနိုင်ပါ။ သို့သော်လည်း ရေထဲရောက်သည့်အခါမှာတော့ အဆစ်များပျော့ပျောင်းလာကာ ရွေ့လျားမှုပုံစံများမှာလည်း တိုးတက်လာမှာဖြစ်ပါတယ်။

၎။ သွေးပေါင်ချိန်ကိုလျှော့ချပေးခြင်း

ရေထဲတွင်လေ့ကျင့်ခန်းပြုလုပ်သည့်အချိန်များ၌ ရေဖိအားက ခန္ဓာကိုယ်တစ်လျှောက် သွေးလည်ပတ်မှုကို ပိုမိုကောင်းမွန်စေကာ နှလုံးခုန်နှုန်းကိုလည်း လျော့နည်းသွားစေမှာပါ။

၅။ ကြွက်သားများသန်မာလာစေခြင်း

ရေအားနှင့်ယှဉ်၍ လေ့ကျင့်ခန်းပြုလုပ်သည့်အခါမှာ သင့်ခန္ဓာကိုယ်ရှိ ကြွက်သားများဖွံ့ဖြိုးလာကာ ပိုမိုပြီးတော့လည်း သန်မာထွားကြိုင်းလာစေမှာဖြစ်ပါတယ်။

၆။ စိတ်ဖိစီးမှုကိုလျော့ကျစေခြင်း

ရေ၏လှုပ်ရှားမှုပုံစံကိုကြည့်ခြင်းက စိတ်ကြည်လင်မှုရရှိစေနိုင်သည့် နည်းလမ်းများထဲတွင် တစ်ခုအပါအင်ဖြစ်သလို ရေထဲတွင်ရှိနေခြင်းကလည်း ခန္ဓာကိုယ်နှင့်စိတ်ကို ချမ်းမြေ့လန်းဆန်းမှုရှိစေမှာဖြစ်ပါတယ်။

၇။ အပိုအားကစားပစ္စည်းများအသုံးပြုစရာမလိုခြင်း

ငွေကုန်ကြေးကျခံကာ အခြားအားကစားပစ္စည်းများကို အသုံးပြုစရာမလိုတော့ဘဲ ရေကိုအသုံးပြု၍ လွယ်ကူသက်သာစွာ လေ့ကျင့်ခန်းပြုလုပ်နိုင်မှာဖြစ်ပါတယ်။ အလေးအပင်အသုံးပြုစရာမလိုတော့သည့်အတွက် အရိုးအဆစ်နာကျင်တတ်သူများ၊ ဒဏ်ရာအနာတရာရှိသူများအတွက် အထူးသင့်တော်သည့်နည်းလမ်းတစ်ခုပဲဖြစ်ပါတယ်။