လူတစ်ယောက်ရဲ့ ဒုတိယမျက်နှာကဆံပင်ဆိုတာ အားလုံးပဲသိထားပြီးသားဖြစ်မှာပါ။ သင့်မျက်နှာသွင်ပြင်က ဆံပင်ပုံစံနဲ့လိုက် တိုက်ရိုက်သက်ရောက်မှုရှိနေတာကြောင့် ဆံပင်နဲ့ပတ်သက်ပြီး အမှားတစ်ခုခု လုပ်မိတယ်ဆိုတာနဲ့ သင့်ရဲ့ပုံစံကို ပျက်ယွင်းမှုတွေဖြစ်စေမှာပါ။ လူတစ်ယောက်ကို အသက်ကြီးတယ်၊ နုပျိုတယ်စသည်ဖြင့် ထင်ရစေတာကလည်း ဆံပင်ပုံစံပဲဆိုတော့ ဆံပင်ပုံစံနဲ့ပတ်သက်ပြီး အမှားမလုပ်သင့်တဲ့အရာတွေကို ဖော်ပြပေးလိုက်ပါတယ်။

အရမ်းရှည်လွန်းတာ

ဆံပင်အရမ်းရှည်လွန်းတာတွေက ကြည့်လိုက်ရင်လှပေမယ့် သင့်ကိုအသက်ပိုကြီးတယ်လို့ထင်ရစေပါတယ်။ မိန်းကလေးတစ်ယောက်အတွက် ဆံပင်ရှည်ရှည်လေးနဲ့ကကြည့်လို့လှပေမယ့် တင်ပါးထိကျော်ပြီး ရှည်နေတဲ့ဆံပင်မျိုးကိုတော့ မထားသင့်ပါဘူးနော်။

မလိုက်ဖက်တဲ့ဆံပင်အရှည်

ဆံပင်အတိုအရှည်ပုံစံကလည်း သင့်မျက်နှာနဲ့လိုက်ဖက်တဲ့ အရှည်ပုံစံမျိုးကို ထားနိုင်မှကောင်းမှာပါ။ သူများတွေ ဆံပင်အတိုညှပ်တိုင်းလိုက်ညှပ်တာမျိုးကတော့ မှန်ကန်တဲ့နည်းလမ်းမဟုတ်သေးပါဘူးနော်။ သင့်မျက်နှာပုံစံနဲ့လိုက်ဖက်လား၊ မလိုက်ဖက်တာလားဆိုတာကို ဆံပင်ညှပ်တဲ့သူဆီမှာ သေချာမေးပြီးမှ ဆုံးဖြတ်ချက်ချသင့်ပါတယ်နော်။

ဆံပင်ပုံစံမပြောင်းတာ

လူတစ်ယောက်ရဲ့ဒုတိယမျက်နှာဖြစ်တဲ့ ဆံပင်ကိုလည်း ပုံစံတစ်မျိုးပြောင်းကြည့်တာမျိုးတွေလုပ်သင့်ပါတယ်။ ဒီဆံပင်ပုံစံမျိုးနဲ့ပဲ အမြဲတမ်းမြင်တွေ့နေရမယ်ဆိုရင် ကြည့်ရတာရိုးသွားစေပြီး ဆန်းပြားမှုမရှိတာကြောင့် သင့်ကိုလည်း အသက်ကြီးတယ်လို့ထင်ရသွားစေနိုင်ပါတယ်။

ဆံပင်အရောင်မဆိုးဖြစ်တာ

ဆံပင်အရောင်ကိုလည်း သင့်အသားအရေနဲ့လိုက်ဖက်တဲ့ အရောင်မျိုးကိုပြောင်းဖို့လိုအပ်ပါတယ်။ အရောင်မဆိုးပဲ မူလဆံပင်အရောင်အတိုင်းပဲနေတာက သင့်ကိုပိုပြီးတော့ အသက်ကြီးတယ်လို့ထင်ရစေပါတယ်။

ဆံပင်ကပါးကပ်နေတာ

ဆံပင်ဆိုတာ ပွပွလေးနဲ့ ဖောင်းဖောင်းထူထူလေးဖြစ်နေမှ ကြည့်လို့ကောင်းတာပါ။ ဒါကို သင့်အနေနဲ့ ဆံပင်ကိုဖြောင့်စက်တွေနဲ့ဆွဲပြီး ဆံပင်ဖြောင့်မယ်ဆိုရင် ဆံပင်ကိုပါးပါးကပ်ကပ်လေးဖြစ်ပြီး ကြည့်ရတာရုပ်ကိုတစ်မျိုးဖြစ်စေပါတယ်။

ဒီအချက်တွေကို ရှောင်ကြဉ်ပြီးသေချာလိုက်နာပေးမယ်ဆိုရင် ဆံပင်ပုံစံကြောင့် ကြည့်မကောင်းတာမျိုးတွေ မဖြစ်လာနိုင်တော့ပါဘူး။ သင့်ပုံစံကိုလည်း ဆန်းသစ်ပြီး နုပျိုတယ်လို့ထင်ရသွားစေမှာပဲဖြစ်ပါတယ်။

Photo Source: Shutterstock