၂၀၁၇ ခုနှစ် Victoria’s Secret Fashion Show မှာ ပါဝင်သွားမှာမဟုတ်တဲ့ စူပါမော်ဒယ် Gigi Hadid
ဖက်ရှင်မော်ဒယ်လောကမှာ ဈေးအကြီးဆုံးမော်ဒယ်တွေထဲက တစ်ခုအပါအဝင်ဖြစ်တဲ့ Gigi Hadid ဟာ ၂၀၁၇ ခုနှစ် Victoria’s Secret Fashion Show မှာ ပါဝင်သွားမှာမဟုတ်ပါဘူး။
အသက် ၂၂ နှစ်အရွယ် စူပါမော်ဒယ် Gigi Hadid က သူမရဲ့ Twitter လူမှုကွန်ရက်စာမျက်နှာကနေတစ်ဆင့် ကြေညာလိုက်တာဖြစ်ပါတယ်။
အရမ်းစိတ်မကောင်းဖြစ်မိပါတယ်။ တရုတ်နိုင်ငံမှာ ကျင်းပမယ့် ဖက်ရှင်ရှိုးမှာ ပါဝင်နိုင်တော့မှာ မဟုတ်ပါဘူး လို့ ဆိုပါတယ်။
အဲဒီသတင်းက Hadid ရဲ့ ဖန်တွေကို စိတ်မကောင်းဖြစ်စေခဲ့ပါတယ်။ သူမဟာ VS နဲ့ အတူ လက်တွဲပြီး အလုပ်လုပ်တာကြာပြီဖြစ်သလို ဒီနှစ်ရှိုးမှာ ပါဝင်သွားမယ်လို့ အရင်က သူမရဲ့ ဖန်တွေကို ပြောကြားထားဖူးပါတယ်။
Victoria’s Fashion Show ဟာ ကမ္ဘာပေါ်က ချောပေ့ လှပေ့ဆိုတဲ့ အလန်းစား မော်ဒယ်တွေကိုပဲ ခေါ်သုံးလေ့ရှိပြီး အဲဒီဖက်ရှင်ရှိုးမှာ ပါဝင်ခွင့်ရဖို့က နိုင်ငံ အသီးသီးက မော်ဒယ်တွေရဲ့ အိပ်မက်တစ်ခုလည်းဖြစ်ပါတယ်။
ဒီနှစ်မှာတော့ Victoria’s Fashion Show ကို တရုတ်နိုင်ငံ ရှန်ဟိုင်းမှာ ပြုလုပ်သွားမှာဖြစ်ပါတယ်။
