အာဖရိကတိုက်တွင် နေထိုင်လျက်ရှိသော လူမျိုးစုများထဲတွင် တစ်ခုအပါအ၀င်ဖြစ်သည့် ဒင်ကာလူမျိုးစုသည် ရာသီအလိုက် မိမိတို့၏နေထိုင်မှုပုံစံကို ပြောင်းလဲနေထိုင်တတ်ကြပါသည်။ မိုးရာသီ၌ အပူပိုင်းမြက်ခင်းလွင်ပြင်များတွင် စပါးစေ့၊ ပြောင်းစေ့များကို စိုက်ပျိုးနေထိုင်တတ်ကြ၍ ခြောက်သွေ့ပူပြင်းသောရာသီရောက်သည့်အခါမှာ မြစ်ကမ်းပါးတစ်လျှောက် ကျွဲ၊ နွားများကို ထိန်းကျောင်းနေလေ့ရှိပါသည်။
ထိုဒင်ကာလူမျိုးများ၏ လူနေမှုဘ၀များသည် သူတို့ထိန်းကျောင်းမွေးမြူနေရသော ကျွဲ၊ နွားများနှင့် ဆက်စပ်မှုရှိနေပါသည်။ အမျိုးသားများအရွယ်ရောက်လာသည့်အခါ နွားတစ်ကောင်လက်ခံရရှိပြီး ထိုနွား၏အမည်မှာ ပိုင်ရှင်ယောကျာ်းသားတို့ကိုယ်ပိုင်နာမည်၏ တစိတ်တပိုင်းဖြစ်လာပါသည်။ ထိုတိရစ္ဆာန်များ ကြီးထားဖွံ့ဖြိုးလာသည်နှင့်အမျှ သူတို့၏ရှည်လျားသော ဦးချိုများမှာ ထူးခြားဆန်းပြားသောအသွင်တမျိုးသို့ ပြောင်းလဲသွားပါသည်။
ယောကျာ်းလေးများ အသက် ၂၀ အရွယ်ရောက်သည့်အခါမှာ ပိုးပန်းချိန်အစပြုလာပြီး မိန်းကလေးများအတွက်မှာတော့ ၁၇ နှစ်အရွယ်မှစတင်ခြင်းဖြစ်ပါသည်။ သို့သော်လည်း သတို့သမီးတင်တောင်းခအနေဖြင့် သတ်မှတ်ထားသည့် တိရစ္ဆာန်အကောင်အရေအတွက်ပြည့်ရန် ကျွေးမွေးပျိုးထောင်ရသည့်အတွက် အမျိုးသမီးများမှာ ယောကျာ်းလေးများ အသက် ၃၀ ပြည့်ချိန်အထိ စောင့်ဆိုင်းပြီးမှ လက်ထပ်ခွင့်ရှိပါသည်။
