ကိုယ်လုပ်ကိုင်ကြိုးစားနေတဲ့အပေါ် အိပ်မက်က အမြော်အမြင်တွေကို ထည့်သွင်းတည်ဆောက်ပေးပါတယ်။ ဘယ်လောက်ပဲ ခက်ခဲပင်ပန်းတဲ့ အလုပ်ကို လုပ်ကိုင်နေရသည်ဖြစ်စေ၊ နွမ်းနယ်နေသည်ဖြစ်စေ အိပ်မက်ရှိနေပြီဆိုရင် ကိုယ်ကြိုးစားအားထုတ်သမျှဟာ ကိုယ့်ရည်မှန်းချက်ကို အောင်မြင်ဖို့ ခြေလှမ်းတွေ ဖြစ်နေစေ ပါလိမ့်မယ်။

လုပ်ဆောင်မှုတိုင်းဟာ ကိုယ့်အိပ်မက်အတွက် အရေးကြီးတဲ့ အစိတ်အပိုင်းတွေအဖြစ် ခံယူပြီး တန်ဖိုးထား လုပ်ဆောင်နေခြင်းလည်း ဖြစ်ပါတယ်။ သူတို့ရဲ့ ခံယူချက်ဟာ အုတ်စီနေတဲ့ ခံယူချက်မျိုး မဟုတ်ဘဲ ဘုရားတည်နေတယ်ဆိုတဲ့ ခံယူချက်မျိုး ရှိထားကြပါတယ်။

ဖြစ်စဉ်တစ်ခုမှာ သတင်းထောက်တစ်ယောက်က အဆောက်အဦးတည်ဆောက်နေတဲ့ လုပ်သားသုံးယောက်ကို
အင်တာဗျူးတစ်ခု လုပ်ပါတယ်။ အုတ်နံရံတစ်ခုကို သေချာကျနစွာ အုတ်စီနေတဲ့ ပထမလုပ်သားတစ်ယောက်
ခင်ဗျား ဘာလုပ်နေတာ ဘာလဲ လို့မေးလိုက်တဲ့အခါ သူ့ဖြေပုံက သူတစ်နေ့တာ ရပ်တည်ဖို့ ပိုက်ဆံရှာနေတဲ့ အကြောင်း အဖြေပေးပါသတဲ့။

တူညီတဲ့မေးခွန်းကိုပဲ အုတ်စီနေတဲ့ အခြားလုပ်သားကို မေးကြည့်တဲ့အခါ အဲဒီလုပ်သားက ပြတ်တောက်တောက် ငါဘာလုပ်နေတယ်ဆိုတာ မမြင်ဘူးလားလို့ ဖြေလိုက်သတဲ့။ သူဟာ အဆောက်အဦးအတွက်  အုတ်စီနေတာပါ။

အဲဒီမေးခွန်းကိုပဲ နောက်ဆုံးတစ်ယောက်ကို ထပ်မေးလိုက်တဲ့အခါမှာ နောက်လုပ်သားက အိမ်မရှိတဲ့သူတွေအတွက် အိမ်ဆောက်ပေးနေတာပေါ့။ ဟိုဘက်မှာ စားဖိုဆောင်လုပ်မယ်။ ဒီဘက်မှာ အမျိုးသမီးဆောင် တည်ဆောက်မယ်လို့ ပြန်အဖြေပေးလိုက်ပါသတဲ့။

သူတို့သုံးယောက်စလုံးဟာ တူညီတဲ့ အလုပ်ကို လုပ်နေကြတဲ့ သူတွေချည်းပါပဲ။ ဒါပေမယ့် နောက်ဆုံးတစ် ယောက်ကတော့ ရည်မှန်းချက်ကောင်းနဲ့ အလုပ်လုပ်ပေးနေပါတယ်။ ခံယူချက်ကောင်းကောင်းထားပြီး အလုပ်လုပ်ပါတယ်။ ဒီအလုပ်လုပ်ခြင်းအားဖြင့် သူ့ရဲ့ အိမ်မက်ကို အကောင်အထည်ဖော်နေတာပါ။ အလုပ်ကို တန်ဖိုးထား လုပ်ကိုင်နေတာပါ။ ဒါပါပဲ၊ အိပ်မက်ဆိုတာ ကိုယ်လုပ်တဲ့အလုပ်အပေါ် အမျှော်အမြင်တွေကို ထည်သွင်းတည်ဆောက်ပေးလိုက်တာပါပဲ။

Photos: Pixabay