နှင်းဆီပွင့်ဖတ်များကို ရေနဲ့ရောစပ်လိုက်ခြင်းဖြင့် ရရှိမယ့် အလှအပအတွက်အကျိုးကျေးဇူးတွေကတော့ အမဲစက်နဲ့ ဝက်ခြံများကို ဖယ်ရှားပေးခြင်း၊ အသားအရေ အရောင် ထိန်းညှိပေးခြင်း၊ အသားအရေ အစိုဓာတ်ဖြည့်ပေးခြင်း၊ ရောင်ရမ်းမှုကို လျော့ချပေးခြင်း၊ အိုမင်းရင့်ရော်မှုကို တားဆီးပေးခြင်း၊ နေလောင်ဒဏ် ကာကွယ်ပေးခြင်း စတဲ့ အကျိုးကျေးဇူးများကို ခံစားရရှိနိုင်ပါတယ်။

စာဖတ်သူပျိုမေလေးတွေအနေနဲ့ အထက်ဖော်ပြပါ အကျိုးကျေးဇူးတွေကို ရရှိခံစားချင်တယ်ဆိုရင်တော့ အခုဖော်ပြပေးမယ့် နည်းလမ်းကောင်းလေးတွေကို လေ့လာထားဖို့ လိုမယ်နော်။

နှင်းဆီရေကို တိုနာကဲ့သို့ အသုံးပြုလိုပါက

ဝါဂွမ်းစလေးကို နှင်းဆီရေနဲ့ ဆွတ်ထားလိုက်ပါ ထို့နောက် မျက်နှာပေါ်မှာ ဖွဖွလေး သုတ်လိမ်းပေးလိုက်ရပါမယ်။ တစ်ပတ်ကို နှစ်ကြိမ်ခန့် အသုံးပြုပေးမယ်ဆိုပါက အသားအရေလေး ကြည်လင်ဝင်းပလာပါလိမ့်မယ်။

ပန်းနုရောင်သမ်းတဲ့ နှုတ်ခမ်းတစ်စုံပိုင်ဆိုင်လိုပါက

သကြားမုန်လာ အသေးတစ်လုံးနဲ့ နှင်းဆီရေ လက်ဖက်ရည်ဇွန်းတစ်ဇွန်းတို့ လိုအပ်ပါလိမ့်မယ်။ သကြားမုန်လာကို အတုံးသေးသေးလေးတုံးထားပြီး Oven ထဲတွင် ၈ နာရီမှ ၁၀ နာရီကြာသည်အထိ ထည့်ထားရပါမယ်။ ထည့်ထားရမယ့် အပူချိန်ကတော့ ၆၀ ဒီဂရီ စင်တီဂရိတ်ပဲဖြစ်ပါတယ်။

သတ်မှတ်ထားသော အချိန်ပြည့်ပါက သကြားမုန်လာတုံးများကို အမှုန့်များဖြစ်သွားသည်အထိ ကြိတ်ချေလိုက်ပါ။ ရရှိလာတဲ့အမှုန့်ကို နှင်းဆီရေနဲ့ ရောနှောပြီးနောက် နှုတ်ခမ်းပေါ်မှာ သုတ်လိမ်းပေးလိုက်ပါ။ ၁၅ မိနစ်ခန့် အခြောက်ခံပြီးတဲ့နောက်မှ ရေဆေးချလိုက်ပါ။

ဒါဆိုရင်တော့ သင့်နှုတ်ခမ်းသားလေးက သဘာဝအတိုင်း ပန်းနုရောင်သမ်းသွားပြီပေါ့။

မျက်နှာသစ်ဆေးအဖြစ် အသုံးပြုလိုပါက

စပရေးဘူးထဲသို့ နှင်းဆီရေများထည့်ကာ မျက်နှာတစ်ပြင်လုံးပေါ်သို့ စိုစွတ်လာသည်အထိ ပက်ဖြန်းပေးလိုက်ပါ။ အသားထဲစိမ့်ဝင်သွားဖို့ရန်အတွက် စက္ကန့် ၂၀ ခန့် ဒီအတိုင်းထားလိုက်ပါ။ အချိန်ပြည့်မှ တစ်သျှူးဖြင့် သုတ်ပေးရပါမယ်။ ဒီနည်းလမ်းလေးကတော့ မျက်နှာမှာ ကပ်ငြိနေတဲ့ ဖုန်မှုန့်နဲ့ အညစ်အကြေးများကို ဖယ်ရှားပေးမှာပဲဖြစ်ပါတယ်။

ဝက်ခြံနှင့် အမဲစက်များ ပျောက်ကင်းလိုပါက

သံပုယိုရည် လက်ဖက်ရည်ဇွန်း တစ်ဇွန်းနဲ့ နှင်းဆီရေ လက်ဖက်ရည်ဇွန်းတစ်ဇွန်းတို့ကို သမအောင်ရောနှောပေးလိုက်ပါ။ ထို့နောက် အမဲစက်ဖြစ်နေတဲ့ နေရာတစ်ဝိုက်တွင် သုတ်လိမ်းပေးလိုက်ပါ။ ၁၅ မိနစ်ခန့်ကြာမှ ရေအေးအေးလေးနဲ့ မျက်နှာသစ်ပေးလိုက်ပါ။

Source: Stylecraze.com

By MyStyle Myanmar