မင်္ဂလာပါနော်။ အရင်ကလည်း လူငယ်ဆန်ဆန် ပန့်ဆန်ဆန် မိုက်ခဲ့ပြီး လက်ရှိမှာလည်း ကြည့်ကောင်းနေဆဲပါပဲ။

၂၅ ကြိမ်မြောက်ကျင်းပတဲ့ Race To Erase MS Gala ပွဲကို တက်ရောက်လာခဲ့တာဖြစ်ပါတယ်။

၂၀၁၃ ခုနှစ်ကစလို့ သီချင်းအယ်လ်ဘမ်အသစ် ထပ်မထွက်တော့တဲ့ Avril Lavigne က သူမရဲ့ အသစ်ထွက်ရှိလာမယ့် သီချင်းခွေအသစ်အကြောင်းကိုလည်း ပြောပြခဲ့ပါတယ်။

အဲဒီသီချင်းခွေအတွက် ၃ နှစ်လောက် ပြင်ဆင်ခဲ့ရပြီး ပြီးတော့မှာဖြစ်ပါတယ်။ ဒီနှစ်အတွင်းမှာ ဖြန့်ချီသွားဖို့ရှိတယ်လို့ ဆိုပါတယ်။

ဆိုတော့ သူ့ရဲ့ သီချင်းအသစ်ကို လွမ်းနေကြသူတွေတော့ Avril Lavigne ရဲ့ သီချင်းတွေကို ခံစားနားဆင်နိုင်တော့မှာပါ။

Avril Lavigne ဟာ ၂၀၁၅ ခုနှစ်က ပိုးမွှားကိုက်ခံရတာကြောင့် ကူးစက်တဲ့ ရောဂါတမျိုးဖြစ်တဲ့ Lyme ရောဂါခံစားခဲ့ရပြီး အဲဒီတုန်းက အသက်ရှုခက်ခဲခဲ့တဲ့အကြောင်း၊ စကားမပြောနိုင်ဖြစ်ရတဲ့အကြောင်း၊ မသွားနိုင်မလာနိုင်ဖြစ်ရတဲ့အကြောင်းနဲ့ သေလူလို့တောင် ခံစားခဲ့ရတဲ့အကြောင်း ပြောပြခဲ့ပါတယ်။

အခုတော့ ရောဂါအခြေအနေကနေ ပိုပြီးကောင်းမွန်လာပြီဖြစ်ပြီး အနည်းငယ် ပြည့်လာတာကလွဲလို့ အရင်လို ကြည့်ကောင်းနေဆဲ လှနေဆဲပါပဲနော်။

သူမကိုလွမ်းနေကြမယ့်သူတွေအတွက် သီချင်းအသစ်မထွက်ခင် သီချင်းဟောင်းလေးကို ပြန်ပြီးမျှဝေပေးလိုက်ပါတယ်။

Photo: www.cosmopolitan.com/www.eonline.com