မင်္ဂလာပါ ပျိုမေတို့ရေ။ ဒီတခါမှာတော့ အသားအရေကို ကျန်းမာကြည်လင်စေမယ့် နည်းလမ်းကောင်းတစ်ခုကို မျှဝေပေးချင်ပါတယ်။
ကျွန်မတို့ရဲ့အသားအရေဟာ နေရောင်ခြည်၊ လေထုညစ်ညမ်းမှု၊ သဘာဝပတ်ဝန်းကျင်တွေ၊ ဖုန်၊ အညစ်အကြေးတွေ၊ ဓာတုပစ္စည်းတွေနဲ့ ထိတွေ့တာများလို့ တဖြည်းဖြည်း ပျက်စီးလာပါတယ်။
အသားအရေနဲ့ ပတ်သက်လို့ ဝက်ခြံ၊ အမာရွတ်၊ အရေးအကြောင်းတွေကလည်း စိတ်ညစ်ရတဲ့အရာတွေထဲမှာ ပါဝင်ပါတယ်။
သင့်အသားအရေကို ကြည်လင်စေဖို့အတွက် ဘယ်လိုသဘာဝနည်းလမ်းကို သုံးရမလဲဆိုတာ ကြည့်လိုက်ရအောင်။
ရှားစောင်းလက်ပတ် Gel စားပွဲတင်ဇွန်း ၂ ဇွန်း
ပျားရည် စားပွဲတင်ဇွန်း ၁ ဇွန်း
Baking Soda (မှုန့်ဖုတ်ဆိုဒါ) လက်ဖက်ရည်ဇွန်း ၁ ဇွန်း
ရေ နည်းနည်း
ပြုလုပ်နည်း
ခွက်တစ်လုံးထဲမှာ ရေလက်ဖက်ရည်ဇွန်း ၂ ဇွန်းနဲ့ Baking Soda လက်ဖက်ရည်ဇွန်း တစ်ဇွန်းရောလိုက်ပါ။
ပြီးရင်သေချာမွှေပေးပါ။
အဲဒီနောက် ရှားစောင်းလက်ပတ်၊ ပျားရည်တို့ကို သေချာရောလိုက်ပြီး မွှေလိုက်ပါ။ ပျစ်ပျစ်လေးဖြစ်အောင် ရောရမှာပါ။ ရေလိုရင် ရေထပ်ထည့်နိုင်ပါတယ်။
မျက်နှာနဲ့လည်ပင်းကို လိမ်းပေးပြီး ၃ မိနစ်ကနေ ၅ မိနစ်ခန့်ထားကာ ရေအေးအေးနဲ့ ဆေးချလိုက်ပါ။
မှတ်ချက် = ရှားစောင်းလက်ပတ်နဲ့ မတည့်သူတွေကတော့ ရှားစောင်းလက်ပတ်မသုံးပါနဲ့။
Source: www.blushybabe.com
Photo: www.fabhow.com