တောင်ကိုရီးယား သရုပ်ဆောင်မင်းသား Lee Seung Gi ကို အားလုံးရင်းနှီးကြမယ်ထင်ပါတယ်နော်။ သီချင်းလည်းဆိုတယ်၊ သရုပ်ဆောင်လည်းဟုတ်တယ်၊ စီစဉ်တင်ဆက်သူ၊ ဖျော်ဖြေသူအဖြစ်လည်း ဘက်စုံထူးချွန်တဲ့ Lee Seung Gi ကမြန်မာပရိသတ်တွေနဲ့ မစိမ်းသူတစ်ဦးပါ။

၁၉၈၇ ခုနှစ် ဇန်နဝါရီလ ၁၃ ရက်နေ့က တောင်ကိုရီးယားနိုင်ငံ Dogong ခရိုင်မှာ မွေးဖွားခဲ့သူဖြစ်ပါတယ်။

အရပ်အမြင့် ၁.၈၂ မီတာ (၅ ပ ၁၁ ခွဲကျော်) ရှိပြီး အားပေးတဲ့ မိန်းကလေး ပရိသတ်တွေ အခိုင်အမာရရှိထားသူပါ။

သူ့ရဲ့ နာမည်ကျော်ရုပ်ရှင်ဇာတ်ကားတွေ၊ ဇာတ်လမ်းတွဲတွေအများကြီးရှိတဲ့အထဲကမှ A Korean Odyssey (Hwayugi)ဇာတ်လမ်းတွဲမှာလည်း အရမ်းကိုရိုမန့်တစ်ဆန်တဲ့သူအဖြစ် ပရိသတ်တွေကြားမှာ ရေပန်းစားနေသူဖြစ်ပါတယ်။

သူဝတ်လိုက်တဲ့ဖက်ရှင်တွေက အရမ်းကြီးမဆန်းဘဲ ရိုးရိုးရှင်းရှင်းလေးနဲ့ ကြည့်ကောင်းနေသူမို့ Lee Seung Gi ရဲ့ ဖက်ရှင်တွေကို မျှဝေပေးလိုက်ပါတယ်နော်။