ခေါင်းကဆံပင်တွေအဆီပြန်လာပြီဆိုတာနဲ့ ခေါင်းလျှော်ဖို့လိုနေပြီလို့ မကြာခဏတွေးကောင်းတွေးတတ်ကြမှာပါ။ ဒါပေမယ့်လည်း ခေါင်းခဏခဏလျှော်တာဟာ ခေါင်းကိုသန့် ရှင်းစေတာမှန်သော်ငြားလည်း တဖက်ကပြန်ကြည့်မယ်ဆိုရင် မကောင်းပါဘူး။

ခေါင်းမလျှော်ဘဲ ရက်အနည်းငယ်ကြာလာတဲ့အခါမှာ ထွက်လာတဲ့သဘာဝအဆီတွေက သင့်ဆံပင်ကို အာဟာရဖြစ်စေပြီး ဆံပင်တစ်ချောင်းစီကိုလည်း ကျန်းမာနူးညံ့စေပါတယ်။ ခေါင်းကိုမကြာခဏလျှော်တဲ့အခါ အဆီတွေကိုမြန်မြန်ထွက်လာစေပြီး အလွန်အဆီပြန်ခြင်းကို ဖြစ်စေနိုင်ပါတယ်။ ဒါကြောင့် ခေါင်းကိုခဏခဏလျှော်စရာမလိုဘဲ ဆံပင်တွေကိုဂရုစိုက်နိုင်မယ့် နည်းလမ်းကောင်းလေးတွေကို ဖော်ပြပေးလိုက်ရပါတယ်။

၁။ သုံးစွဲသည့်ခေါင်းလျှော်ရည်

အချို့ဆံကေသာပစ္စည်းတွေက ခြောက်သွေ့ပျက်စီးနေတဲ့ ဆံကေသာကို ပြန်လည်အာဟာရဖြည့်တင်းပေးနိုင်တာမှန်ပေမယ့်လည်း အလွန်အမင်းအသုံးမပြုဖို့တော့အရေးကြီးပါတယ်။ ဆံပင်အလှဆီအများကြီးသုံးခြင်း သို့မဟုတ် ဆံပင်ပေါင်းတင်တာကို အများကြီးလုပ်မိတဲ့အခါတွေမှာ ဆံပင်တွေကို ပိုမိုလျင်မြန်စွာ ညစ်ပတ်လာစေနိုင်ပါတယ်။

၂။ ခေါင်းကိုမကြာခဏမဖြီးပါနှင့်။

ခေါင်းဖြီးလိုက်တဲ့အခါ ဆံပင်မွှေးညင်းပေါက်လေးတွေကို အဆီအများအပြားထုတ်ဖို့ အချက်ပေးလိုက်တာနဲ့ အတူတူပဲဖြစ်လို ဆူးဘီးတွေနဲ့ ဖြီးမယ့်အစား ရိုးရိုးဘီးကိုအသုံးပြုပေးပါ။ ဖြီးသည့်အခါမှာလည်း ဦးရေပြားကိုမထိပါနှင့်။

၃။ ခေါင်းကိုခဏခဏမကိုင်ပါနှင့်။

ခေါင်းဖြီးသည့်နည်းတူပင် ဆံပင်ကိုခဏခဏကိုင်ခြင်းက ဆံပင်မွှေးညှင်းတွေကို သဘာဝအဆီထုတ်လုပ်ဖို့ တွန်းအားပေးလိုက်သလို ဖြစ်သွားနိုင်ပါတယ်။

၎။ လျှော်မယ့်အစား ပုံစံပြောင်းကြည့်ပါ။

ဆံပင်ကတဖြည်းဖြည်းနဲ့ အဆီပြန်လာပြီလို့ထင်ရတာနဲ့ ခေါင်းလျှော်လိုက်မယ့်အစား ဆံပင်ပုံစံဒီဇိုင်းလေးတွေ အမျိုးမျိုးပြောင်းကြည့်ပါ။ ဆံပင်အလှပြင်ပစ္စည်းတွေနဲ့ ကိရိယာတွေကို အသုံးပြုတာနည်းလေလေ သင့်ဆံပင်လည်း ပိုမိုသန့်ရှင်းလေလေပါပဲ။

၅။ ဆံပင်အလှပြင်ပစ္စည်းတွေကို အပူလျှော့သုံးပါ။

ဆံပင်လေမှုတ်စက်၊ ကောက်စက်၊ ဖြောင့်စက် စသဖြင့် အသုံးပြုတော့မယ်ဆိုရင် အပူချိန်ကိုအတန်ငယ်လျှော့သုံးပေးပါ။ အပူချိန်များခြင်းက ဆံပင်မွှေးညှင်းလေးတွေကို အဆီပိုထွက်အောင် ဖြစ်ပေါ်စေနိုင်သောကြောင့်ပါ။

၆။ ခေါင်းအုံးစွပ်ကို မကြာခဏလျှော်ပေးပါ။

သင်တနေကုန်သွားလာထားပြီးတော့ မျက်နှာနဲ့ဆံပင်ပေါ်မှာတင်ကျန်လာတဲ့ ဖုန်တွေအကုန်လုံးဟာ ညအိပ်တဲ့အခါမှာ ထိုခေါင်းအုံးစွပ်တွေပေါ်တင်ကျန်သွားနိုင်တာကြောင့် ဖြစ်နိုင်လျှင် တပတ်ကိုတကြိမ်လျှော်ဖွပ်ပေးပါ။

၇။ နွေရာသီနှင့်ဆောင်းရာသီတွေမှာ ဦးထုပ်ဆောင်းပါ။

အအေးဒဏ်နှင့်အပူဒဏ်တို့သည် အသားအရေကို ကာကွယ်ရန်အတွက် Sebum ကိုထုတ်လုပ်ပေးရာမှ ဆံပင်အမြစ်တွေမှာ အဆီများပြီး ချွဲကျိကျိဖြစ်လာစေနိုင်ပါတယ်။