လှပတဲ့ healthy hair ကို ပိုင်ဆိုင်ချင်သူများအတွက် ဆံသားကို သဘာဝအတိုင်း Detox လုပ်လို့ရမယ့် အလွယ်ကူဆုံးနည်းလမ်း ၇ ခုကို မျှဝေပေးလိုက်ပါတယ်။
ဆံပင်အဖျားတွေပုံမှန်ညှပ်ပါ
ဆံပင်အဖျားတွေကို တစ်လတစ်ခါ၊ ၂ လတစ်ခါလောက် ညှပ်ပေးခြင်းက ပျက်စီးနေတဲ့ဆံသားတွေကို ဖယ်ရှားပေးပြီး ဆံသားကျန်းမာလှပစေပါတယ်။
ဦးရေပြားကျန်းမာအောင်ထားပါ
ဦးရေပြားကျန်းမာဖို့၊ ဆံသားကျန်းမာဖို့ဆိုရင် ဦးရေပြားက သန့်ရှင်းနေဖို့လိုပါတယ်။ ဒါကြောင့် ဆံပင်ကို တစ်ပတ် ၂ ကြိမ်လျှော်ပါ။ Mild shampoo တွေနဲ့လျှော်ပေးခြင်းက dead cells တွေကိုလည်း ဖယ်ရှားပေးပြီးသား ဖြစ်ပါတယ်။
Moisturize
ဆံသားအတွက်လိုအပ်တဲ့ moisture အပြည့်အဝရစေဖို့ ခေါင်းမလျှော်ခင်မှာ ဆံပင်နဲ့ဦးရေပြားကို အုန်းဆီလိမ်းပြီး လက်ချောင်းလေးတွေနဲ့ massage လုပ်နှိပ်နယ်ပေးပါ။ ပြီးရင်တော့ မိနစ် ၃၀ လောက်ထားပြီးမှ ခေါင်းလျှော်ပါ။
ဆံပင်ဆေးဆိုးတာကိုရှောင်ပါ
ဆံပင်ဆေးဆိုးတာ၊ အရောင်ချွတ်တာတွေက ဆံသားအရမ်းပျက်စီးစေတဲ့အတွက် healthy hair ကိုပိုင်ဆိုင်ချင်ရင်တော့ ရှောင်သင့်ပါတယ်။
Baking Soda
ကိုယ်သုံးမယ့်ခေါင်းလျှော်ရည်ထဲကို baking soda ထည့်ပြီး လျှော်ပေးခြင်းကလည်း ဆံသားနဲ့ဦးရေပြားကို သန့်စင်စေပြီး detox လုပ်ပြီးသားလည်း ဖြစ်ပါတယ်။
သခွားသီးနဲ့သံပယိုရည်
သခွားသီးအနေတော်ဆိုဒ်နဲ့ သံပယိုရည်ကို blender နဲ့ရောကြိတ်ပြီး ရလာတာကိုမှ ဦးရေပြားနဲ့ဆံသားအနှံ့ ပွတ်လမ်းပေးပါ။ မိနစ်အနည်းငယ်ထားပြီး mild shampoo နဲ့ ခေါင်းလျှော်ပေးပါ။ ဒီနည်းလမ်းနဲ့လည်း သဘာဝအတိုင်း ဆံသားနဲ့ဦးရေပြားကို detox လုပ်ပေးနိုင်ပါတယ်။
အုန်းနို့
ခေါင်းမလျှော်ခင်မှာ အုန်းနို့ကို ဆံသားနဲ့ဦးရေပြားအနံ့လိမ်းပေးပြီး မိနစ်အနည်းငယ်ထားပါ။ ပြီးမှခေါင်းလျှော်ပေးပါ။ ဒီနည်းလမ်းနဲ့ detox လုပ်လို့ရပြီး ဆံပင်လည်းသန်စေပါတယ်။
