အိုမင်းရင့်ရော်တဲ့ ဇရာကိုတော့ ဘယ်သူကမှ လွန်ဆန်လို့မရပါဘူး။ ပါးရေတွန့်ခြင်း၊ အရေးအကြောင်းပေါ်ခြင်းတွေကလည်း အသက်အရွယ်ရလာတာနဲ့ အမျှ သူ့အလိုလို ဖြစ်ပေါ်လာပါတော့တယ်။ ဒါပေမဲ့လည်း အဲ့ဒီအရေးအကြောင်းတွေကို တစ်လောကလုံးသိအောင် လူသိရှင်ကြား ကြေညာနေစရာမလိုပါဘူး။ သဘာဝအတိုင်းဖြစ်ပေါ်လာတဲ့ အရေးအကြောင်းတွေကို သဘာဝအတိုင်းပဲ ပြန်လည်တိုက်ထုတ်နိုင်ပါတယ်။ အမြဲတမ်း အရွယ်တင်နုပျိုနေစေဖို့ အိုမင်းရင့်ရော်ခြင်းကို သဘာဝအတိုင်းတိုက်ထုတ်နိုင်မဲ့ နည်းလမ်းလေးတွေကို ဖော်ပြပေးလိုက်ပါတယ်။

၁။ ကောင်းစွာအိပ်စက်အနားယူပါ

အိပ်ရေးပျက်တဲ့အခါ ခန္ဓာကိုယ်ထဲမှာ အရေပြားဆဲလ်တွေကို ထိခိုက်ပျက်စီးစေတဲ့ ဟော်မုန်းတွေ ထွက်လာပါတယ်။ အဲ့ဒီဟော်မုန်းတွေက အရေးအကြောင်းတွေကို ဖြစ်စေတဲ့ အဓိကအကြောင်းအရင်းပါပဲ။ ကောင်းစွာ အိပ်စက်အနားယူမှ ကျန်းမာရေးလည်း ကောင်းမှာဖြစ်သလို အရွယ်တင်နုပျိုနေစေမှာပါ။

၂။ နေလောင်ဒဏ်မှ ကာကွယ်ပါ

Photo Source: eyecare2020.com

အရေးအကြောင်းတွေ ဖြစ်ပေါ်စေတဲ့ နောက်ထပ်အကြောင်းအရင်းကတော့ နေရောင်ခြည်ကြောင့်ပါပဲ။ နေပူထဲထွက်တဲ့အခါ အနည်းဆုံး SPF 30 ပါတဲ့ နေရောင်ကာခရမ်ကို လိမ်းပြီးမှ ထွက်ပါ။ ဦးထုပ်ဆောင်းပြီး၊ ထီးဆောင်းပြီးမှ အပြင်ထွက်ပါ။ အရေးအကြောင်းစပေါ်တဲ့နေရာက မျက်လုံးအနီးတစ်ဝိုက်ဖြစ်တဲ့အတွက်ကြောင့် နေကာမျက်မှန်တပ်ဆင်ခြင်းတို့ဖြင့် ကြိုတင်ကာကွယ်ပါ။

၃။ ဆီလိမ်းပါ

Photo Source: www.quora.com

အုန်းဆီစစ်စစ်လိမ်းပေးခြင်းက အရေပြားဆဲလ်လေးတွေကို သန်မာစေပြီး အသားအရည်ကို အစိုဓာတ်ထိန်းပေးကာ အရေးအကြောင်းတွေကိုလည်း ကာကွယ်ပေးပါတယ်။ အသားအရည်ကို ရေဓာတ်ဖြည့်ပေးတဲ့အတွက်ကြောင့် သင့်ကို ငယ်ရွယ်နုပျိုနေစေမှာ အမှန်ပါပဲ။

၎။ ကျန်းမာစွာ စားပါ

အသင့်စား အစားအစာတွေထဲမှာ ကျန်းမာရေးထိခိုက်စေတဲ့ (အထူးသဖြင့် နှလုံးအတွက်မကောင်းတဲ့) ကယ်လိုရီပမာဏ များစွာပါဝင်ပါတယ်။ ကျန်းမာရေးအတွက်လည်း မကောင်းသလို အသားအရည်အလှအပအတွက်လည်း မကောင်းတဲ့အတွက် အသင့်စား အစားအစာတွေအစား လတ်ဆတ်တဲ့ သစ်သီးဝလံ ဟင်းသီးဟင်းရွက်တွေကို ရွေးချယ်စားသုံးပါ။ ဗီတာမင် အေ နဲ့ ဗီတာမင် ဒီ က အသားအရည်ကို အာဟာရဖြစ်စေပြီး ငယ်ရွယ်နုပျိုနေစေမှာပါ။ ငါးက ရတဲ့ ပရိုတိန်းဓာတ်နဲ့ ဖက်တီအက်ဆစ်ကလည်း အသားအရည်အတွက် ကောာင်းကျိုးပေးပါတယ်။

၅။ ဆေးလိပ်ဖြတ်ပါ

Photo Source: www.vapesupremo.com

ဆေးလိပ်သောက်ခြင်းက အဆုတ်ကို ထိခိုက်စေတဲ့အပြင် အသားအရည်ကျန်းမာရေးအတွက်လည်း မကောင်းပါဘူး။ အရေပြားဆဲလ်တွေကို ထိခိုက်စေပြီး အရေးအကြောင်းတွေ စောစီးစွာဖြစ်ပေါ်လာပါလိမ့်မယ်။ ဆေးလိပ်သောက်တဲ့ လူတင်မဟုတ်ဘဲ ဆေးလိပ်ငွေ့ရှူရှိုက်မိတဲ့ သူတွေမှာလည်း တူညီတဲ့ရလဒ်ခံစားရမှာပါ။ ဒါ့ကြောင့် သင်ကိုယ်တိုင်က ဆေးလိပ်သောက်တဲ့သူမဟုတ်ရင်တောင် ဆေးလိပ်သောက်တဲ့သူနားက ဝေးဝေးရှောင်ပါ။