Relationship တစ်ခုအတွက် အခက်ခဲဆုံးအချိန်က လမ်းခွဲဖို့ဆုံးဖြတ်ရတဲ့အချိန်ပါ။ လမ်းခွဲလိုက်ရင်မှားသွားမလားဆိုတဲ့ဝေခွဲမရတဲ့ သံသရစိတ်တွေနဲ့ အဲ့ဒီအချိန်ကအရမ်းကို စိတ်ပင်ပန်းလူပင်ပန်းဖြစ်ရပါတယ်။ ဘယ်လိုပဲညှိနှိုင်းညှိနှိုင်း နောက်ဆုံးမှာ နှစ်ယောက်လုံးပိုပိုပြီးပင်ပန်းရတယ်ဆိုတဲ့ ရလဒ်ပဲ ထွက်လာနေပြီဆိုရင် လမ်းခွဲဖို့ပြတ်သားစွာဆုံးဖြတ်သင့်ပြီ ဖြစ်ပါတယ်။
(၁) အတူရှိနေပေမယ့် ဝေးနေသလို ခံစားရတဲ့အခါ
Source : iStock
ချစ်သူနှစ်ဦးအတူတူရှိနေပေမယ့် ဝေးနေသလိုခံစားရတဲ့ ခံစားချက်က တော်တော်လေးဆိုးရွားပါတယ်။ လမ်းခွဲလိုက်တာနဲ့ ထူးမခြားနားတဲ့ ခံစားချက်တစ်ခုပါပဲ။ ချစ်သူတိုင်းလိုလို တစ်ယောက်အပေါ်တစ်ယောက်နွေးထွေးတဲ့ ခံစားမှုမျိုးပဲ လိုချင်ကြတာဖြစ်ပါတယ်။
အေးစက်ပြီး အထီးကျန်လွန်းတဲ့ အချစ်ရေးတစ်ခုမှာ ဘယ်သူမှအချိန်အကြာကြီး ပျော်ရွှင်စွာနေနိုင်မှာမဟုတ်ပါဘူး။ ဒါကြောင့် သူနဲ့ကိုယ်နဲ့ကြားမှာ ကြားခံနယ်တစ်ခုက ခြားနားထားသလိုမျိုး ဝေးကွာနေတဲ့ ခံစားမှုမျိုးခံစားလာရရင်တော့ လမ်းခွဲဖို့ဆုံးဖြတ်သင့်ပါပြီ။
(၁) ယုံကြည်မှုတွေ ပျောက်ဆုံးလာတဲ့ အခါ
Source : The Texas Divorce Lawyer
အချစ်ရေးမှာ အရေးကြီးဆုံးက ယုံကြည်မှုပါပဲ။ ယုံကြည်မှုမရှိတဲ့သူတစ်ယောက်နဲ့ အချိန်ဘယ်လောက်ကြာကြာလက်တွဲနိုင်မလဲ စဉ်းစားကြည့်ပါ။ ဘယ်သူကမှ အချိန်တိုင်းလိုလို သံသယစိတ်တွေနဲ့ နေရတဲ့ဘဝကို ကျေနပ်နေမိမှာမဟုတ်ပါဘူး။
ယုံကြည်မှုပျက်ပြားပြီး သံသယစိတ်တွေ ကြီးစိုးလာပြီဆိုရင်တော့ နေ့ရက်တိုင်း ၊ အချိန်တိုင်းက စိတ်ပင်ပန်းစရာတွေပဲ ကြုံလာရဖို့ အခွင့်အရေးများလာပြီဖြစ်ပါတယ်။ ဒါကြောင့် တစ်ယောက်နဲ့ တစ်ယောက်ယုံကြည်မှု မတည်ဆောက်နိုင်ရင် လမ်းခွဲတာအကောင်းဆုံးပါပဲ။
(၃) စိတ်ညစ်နေရတဲ့ အချိန်တွေများလာ အခါ
Source : LIFE 101.9
ကိုယ့်ရဲ့အချစ်ခရီးလမ်းက တကယ်ပဲ ပျော်စရာပျောက်ဆုံးနေပြီလား ပြန်ဆန်းစစ်ပါ။ မပျော်ရဘူးဆိုရင်တောင် အချိန်တိုင်းစိတ်ညစ်နေတာမျိုး မဖြစ်ပါစေနဲ့။ အရာအားလုံးဟာ စိတ်နဲ့ ဆက်စပ်နေတဲ့အတွက် အချစ်ရေးမှာ အချိန်တိုင်းစိတ်ညစ်နေရတဲ့အခါ တခြားသော လူမှုရေး ၊ ပညာရေး ကဏ္ဍတွေမှာပါ အကျိုးသက်ရောက်မှုတွေရှိလာနိုင်ပါတယ်။
သူများတွေ ပျော်လို့လည်း ကိုယ်မပျော်နိုင် ၊ သူများတွေ ရယ်လို့လည်း ကိုယ်မရယ်နိုင်ဘဲ အချိန်တိုင်း ဘူနေပြီဆိုရင်တော့ နှလုံးသားထက် ဦးနှောက်ကို ဦးစားပေးပြီး ဆုံးဖြတ်ခိုင်းလိုက်ပါ။
(၄) အရာရာဆန့်ကျင်ဘက်တွေ ဖြစ်လာတဲ့ အခါ
Source : Uzone.id
အချစ်ရေးမှာ အောင်မြင်ပျော်ရွှင်ကြတဲ့ သူတော်တော်များများ ခံယူချက်တွေ၊ ရည်မှန်းချက်တွေ ၊ ဝါသနာတွေက ထပ်တူကျမနေရင်တော့ လုံးဝဆန့်ကျင်ဘက်ဖြစ်မနေကြပါဘူး။ အချိန်ကြာလာလေ တစ်ယောက်နဲ့တစ်ယောက် ရင်ဘတ်ချင်း ပိုနီးလာလေဖြစ်ရမယ့်အစား အသေးအမွှားကိစ္စလေးတွေကအစ နားလည်မှုတွေလွဲမယ် ၊ ခံယူချက်တွေမတူဘူး ၊သင်္ချာအက္ခရာ “၃” နဲ့ “၄” လို အမြဲကျောခိုင်းပြီး ဆန်ကျင့်ဖက်တွေဖြစ်နေမယ်ဆိုရင် အငြင်းအခုန်တွေပြုလုပ်မနေပဲ အေးချမ်းစွာပဲ လမ်းခွဲလိုက်ပါ။
(၅) တစ်ယောက်တည်းနေရတာ ပိုပျော်လာတဲ့ အခါ
Source : minimagazin.info
ချစ်သူနှစ်ယောက် တွေ့လိုက်တိုင်းမှာ တစ်နည်းမဟုတ်တစ်နည်းနဲ့ စိတ်ညစ်စရာတွေ ဖန်တီးနေမိပြီဆိုရင်တော့ သေချာပါတယ် နောက်ထပ်တွေ့ဆုံဖုို့ ကြောက်နေမိမှာအမှန်ပါ။ တခြားစုံတွဲတွေအဖို့ ဖုန်းမပြောရင်မနေနိုင် ၊ (၂) ရက်တစ်ခါ မတွေ့ရရင် မနေနိုင်ဖြစ်နေချိန်မှာ ကိုယ်ကတော့ တွေ့ရမှာတောင် ကြောက်နေပြီး တဖြည်းဖြည်းနဲ့ တစ်ယောက်တည်းနေရတဲ့ဖီးလ်ကို ခုံမင်နှစ်သက်လာပြီဆိုရင်တော့ ရှေ့ဆက်မတိုးမိဖို့ စဉ်းစားဆုံးဖြတ်သင့်ပြီပဲ ဖြစ်ပါတယ်။
