(Zawgyi)
မနက္အေစာႀကီးထၿပီး ေလ့က်င့္ခန္း လုပ္ဖို႔က်ေတာ့လည္း အဆင္မေျပျပန္ တစ္ေနကုန္လံုး သြားလာလႈပ္ရွား အလုပ္လုပ္ထားၿပီးမွ ျပင္းထန္တဲ့ ေလ့က်င့္ခန္းေတြ လုပ္ဖို႔က်ျပန္ေတာ့လည္း အားကမရွိ။ ဒီလိုနဲ႔ စားခ်င္သေလာက္စား နားခ်င္သေလာက္ နားၿပီးမွ ဗိုက္ေခါက္ႀကီးက ထြက္လာ၊ ဗိုက္မွာ အဆီေတြ စုလာၿပီး ဗိုက္ႀကီး ပူလာလို႔ စိတ္ညစ္ေနၿပီလား။
မိမိအားလပ္ခ်ိန္ေလးမွာ လြယ္ကူရိုးရွင္းတဲ့ ေလ့က်င့္ခန္းေတြကို မိမိအိမ္မွာပဲ သက္ေသာင့္သက္သာျပဳလုပ္ရင္း ဝမ္းဗိုက္အဆီေတြ မခ်ခ်င္ဘူးလား။
အခုေဖာ္ျပေပးမယ့္ ေလ့က်င့္ခန္းေလးေတြက သင့္ဝမ္းဗိုက္က အဆီပိုေတြကို သိသိသာသာေလ်ာ့ခ်ေပးႏိုင္မွာပဲျဖစ္ပါတယ္။
ေလ့က်င့္ခန္း (၁)
အရင္ဦးဆံုး ေလ့က်င့္ခန္း ျပဳလုပ္တဲ့ဖ်ာေပၚမွာ လွဲေလ်ာင္းေနပါ။ ထို႔ေနာက္ ပံုပါအတိုင္း ခႏၶာကိုယ္ကို တျဖည္းျဖည္းခ်င္း ျမွင့္တင္လိုက္ပါ။ ထို႔ေနာက္ ဝမ္းဗိုက္အား အသံုးျပဳၿပီး ဒူးေခါင္းကို ရင္ဘတ္ဆီသို႔ ဆြဲယူလိုက္ပါ။ ဒူးေခါင္းကို ရင္ဘတ္ဆီသို႔ ဆြဲယူလိုက္ ျပန္တြန္းကန္လိုက္နဲ႔ ၁၅ ႀကိမ္၊ အႀကိမ္ ၂၀ ျပဳလုပ္ေပးလိုက္ပါ။
ေလ့က်င့္ခန္း (၂)
အရင္ဦးဆံုး လက္ႏွစ္ဖက္ကို ပုခံုးေအာက္မွာ ေထာက္ထားပါ။ ဒူးႏွစ္ဖက္စလံုးကိုလည္း ေထာက္ထားရပါမယ္။ ၿပီးရင္ ညာဒူးက ပံုပါအတိုင္း အေပၚသို႔ ေကြးလ်က္သား တြန္းတင္လိုက္ပါ။ ထို႔ေနာက္ ၾကမ္းျပင္ကို မထိကပ္ေစဘဲ မူလအေနအထားအတိုင္း ျပန္ခ်ပါ။ အေပၚတင္လိုက္ ေအာက္ခ်လိုက္ျဖင့္ အႀကိမ္ ၂၀၊ ၂၅ ႀကိမ္ ျပဳလုပ္ေပးလိုက္ပါ။ ညာဒူး ျပဳလုပ္ၿပီးပါက ဘယ္ဘက္ဒူး ျပဳလုပ္ေပးလိုက္ပါ။
ေလ့က်င့္ခန္း (၃)
Plank ေလ့က်င့္ခန္းကေတာ့ ယေန႔ေခတ္မွာ ေရပန္းစားတဲ့ ေလ့က်င့္ခန္းပဲျဖစ္ပါတယ္။ တံေတာင္ဆစ္ကို ပုခံုးေအာက္မွာ ေထာက္ထားၿပီး ေျခဖ်ားေထာက္ကာ ခႏၶာကိုယ္ကို တစ္ေျဖာင့္တည္း ေျဖာင့္တန္းထားပါ။ ထိုအေနအထားအတိုင္း စကၠန္႔ ၃၀ စလုပ္ၾကည္ပါ။ ေလ့က်င့္ခန္း ျပဳလုပ္တဲ့ရက္ ၾကာလာၿပီး က်င့္သားရလာတဲ့အခါမွာေတာ့ တစ္မိနစ္၊ ႏွစ္မိနစ္ခန္႔ တိုးလုပ္ၾကည့္ပါ။
ေလ့က်င့္ခန္း (၄)
ပံုပါအေနအထားအတိုင္း တေစာင္းလွဲေနပါ။ တံေတာင္ျဖင့္ ေထာက္ထားၿပီး ခႏၶာကိုယ္ကို တေျဖာင့္တည္းထားပါ။ ထို႔ေနာက္ ညာေျခကို အေပၚသို႔ ဆြဲမၿပီး ျပန္ခ်ပါ။ ေျခေထာက္ျပန္ခ်တဲ့အခါ ဘယ္ေျခကို မထိကပ္ေစဘဲ ခ်ရပါမယ္။ ၁၂ ႀကိမ္ (သို႔) ၁၅ ႀကိမ္ျပည့္မွ ခႏၶာကိုယ္ကို တစ္ဖက္ျပန္လွည့္ၿပီး ဘယ္ေျခကို ထိုနည္းအတိုင္း ျပဳလုပ္ေပးရပါမယ္။
ေလ့က်င့္ခန္း (၅)
ဒူးေကြးၿပီး ခႏၶာကိုယ္ကို လွဲေလ်ာင္းထားပါ။ လက္ႏွစ္ဖက္ကို ေဘးကပ္ထားပါ။ ဒူးေကြးလ်က္သားျဖင့္ ေျခေထာက္ တစ္ဖက္ကို အေပၚသို႔ ျဖည္းျဖည္းခ်င္းစီ ေျမွာက္လိုက္ပါ။ ၿပီးမွ က်န္ေျခေထာက္တစ္ဖက္ကို အေပၚ ေျမွာက္လိုက္ပါ။ ၿပီးမွ ဒူးႏွစ္ဖက္ကို ျပန္ဆန္႔တန္းေပးလိုက္ပါ။ ထိုအေနအထားအတိုင္း စကၠန္႔အနည္းငယ္ၾကာ ေတာင့္ခံထားပါ။ ၿပီးမွ တျဖည္းျဖည္းခ်င္းစီ ၾကမ္းျပင္ေပၚသို႔ ျပန္ခ်ေပးရပါမယ္။
ဒီေလ့က်င့္ခန္းက အေၾကာအခ်ဥ္ေတြကို ေျပေစတာေၾကာင့္ အျခားေလ့က်င့္ခန္းမ်ား အားလံုးျပဳလုပ္ၿပီးမွ ေနာက္ဆံုးပိတ္အေနနဲ႔ ျပဳလုပ္ေပးရပါမယ္။
Source: Brightside.me
(Unicode)
မနက်အစောကြီးထပြီး လေ့ကျင့်ခန်း လုပ်ဖို့ကျတော့လည်း အဆင်မပြေပြန် တစ်နေကုန်လုံး သွားလာလှုပ်ရှား အလုပ်လုပ်ထားပြီးမှ ပြင်းထန်တဲ့ လေ့ကျင့်ခန်းတွေ လုပ်ဖို့ကျပြန်တော့လည်း အားကမရှိ။ ဒီလိုနဲ့ စားချင်သလောက်စား နားချင်သလောက် နားပြီးမှ ဗိုက်ခေါက်ကြီးက ထွက်လာ၊ ဗိုက်မှာ အဆီတွေ စုလာပြီး ဗိုက်ကြီး ပူလာလို့ စိတ်ညစ်နေပြီလား။
မိမိအားလပ်ချိန်လေးမှာ လွယ်ကူရိုးရှင်းတဲ့ လေ့ကျင့်ခန်းတွေကို မိမိအိမ်မှာပဲ သက်သောင့်သက်သာပြုလုပ်ရင်း ဝမ်းဗိုက်အဆီတွေ မချချင်ဘူးလား။
အခုဖော်ပြပေးမယ့် လေ့ကျင့်ခန်းလေးတွေက သင့်ဝမ်းဗိုက်က အဆီပိုတွေကို သိသိသာသာလျော့ချပေးနိုင်မှာပဲဖြစ်ပါတယ်။
လေ့ကျင့်ခန်း (၁)
အရင်ဦးဆုံး လေ့ကျင့်ခန်း ပြုလုပ်တဲ့ဖျာပေါ်မှာ လှဲလျောင်းနေပါ။ ထို့နောက် ပုံပါအတိုင်း ခန္ဓာကိုယ်ကို တဖြည်းဖြည်းချင်း မြှင့်တင်လိုက်ပါ။ ထို့နောက် ဝမ်းဗိုက်အား အသုံးပြုပြီး ဒူးခေါင်းကို ရင်ဘတ်ဆီသို့ ဆွဲယူလိုက်ပါ။ ဒူးခေါင်းကို ရင်ဘတ်ဆီသို့ ဆွဲယူလိုက် ပြန်တွန်းကန်လိုက်နဲ့ ၁၅ ကြိမ်၊ အကြိမ် ၂၀ ပြုလုပ်ပေးလိုက်ပါ။
လေ့ကျင့်ခန်း (၂)
အရင်ဦးဆုံး လက်နှစ်ဖက်ကို ပုခုံးအောက်မှာ ထောက်ထားပါ။ ဒူးနှစ်ဖက်စလုံးကိုလည်း ထောက်ထားရပါမယ်။ ပြီးရင် ညာဒူးက ပုံပါအတိုင်း အပေါ်သို့ ကွေးလျက်သား တွန်းတင်လိုက်ပါ။ ထို့နောက် ကြမ်းပြင်ကို မထိကပ်စေဘဲ မူလအနေအထားအတိုင်း ပြန်ချပါ။ အပေါ်တင်လိုက် အောက်ချလိုက်ဖြင့် အကြိမ် ၂၀၊ ၂၅ ကြိမ် ပြုလုပ်ပေးလိုက်ပါ။ ညာဒူး ပြုလုပ်ပြီးပါက ဘယ်ဘက်ဒူး ပြုလုပ်ပေးလိုက်ပါ။
လေ့ကျင့်ခန်း (၃)
Plank လေ့ကျင့်ခန်းကတော့ ယနေ့ခေတ်မှာ ရေပန်းစားတဲ့ လေ့ကျင့်ခန်းပဲဖြစ်ပါတယ်။ တံတောင်ဆစ်ကို ပုခုံးအောက်မှာ ထောက်ထားပြီး ခြေဖျားထောက်ကာ ခန္ဓာကိုယ်ကို တစ်ဖြောင့်တည်း ဖြောင့်တန်းထားပါ။ ထိုအနေအထားအတိုင်း စက္ကန့် ၃၀ စလုပ်ကြည်ပါ။ လေ့ကျင့်ခန်း ပြုလုပ်တဲ့ရက် ကြာလာပြီး ကျင့်သားရလာတဲ့အခါမှာတော့ တစ်မိနစ်၊ နှစ်မိနစ်ခန့် တိုးလုပ်ကြည့်ပါ။
လေ့ကျင့်ခန်း (၄)
ပုံပါအနေအထားအတိုင်း တစောင်းလှဲနေပါ။ တံတောင်ဖြင့် ထောက်ထားပြီး ခန္ဓာကိုယ်ကို တဖြောင့်တည်းထားပါ။ ထို့နောက် ညာခြေကို အပေါ်သို့ ဆွဲမပြီး ပြန်ချပါ။ ခြေထောက်ပြန်ချတဲ့အခါ ဘယ်ခြေကို မထိကပ်စေဘဲ ချရပါမယ်။ ၁၂ ကြိမ် (သို့) ၁၅ ကြိမ်ပြည့်မှ ခန္ဓာကိုယ်ကို တစ်ဖက်ပြန်လှည့်ပြီး ဘယ်ခြေကို ထိုနည်းအတိုင်း ပြုလုပ်ပေးရပါမယ်။
လေ့ကျင့်ခန်း (၅)
ဒူးကွေးပြီး ခန္ဓာကိုယ်ကို လှဲလျောင်းထားပါ။ လက်နှစ်ဖက်ကို ဘေးကပ်ထားပါ။ ဒူးကွေးလျက်သားဖြင့် ခြေထောက် တစ်ဖက်ကို အပေါ်သို့ ဖြည်းဖြည်းချင်းစီ မြှောက်လိုက်ပါ။ ပြီးမှ ကျန်ခြေထောက်တစ်ဖက်ကို အပေါ် မြှောက်လိုက်ပါ။ ပြီးမှ ဒူးနှစ်ဖက်ကို ပြန်ဆန့်တန်းပေးလိုက်ပါ။ ထိုအနေအထားအတိုင်း စက္ကန့်အနည်းငယ်ကြာ တောင့်ခံထားပါ။ ပြီးမှ တဖြည်းဖြည်းချင်းစီ ကြမ်းပြင်ပေါ်သို့ ပြန်ချပေးရပါမယ်။
ဒီလေ့ကျင့်ခန်းက အကြောအချဉ်တွေကို ပြေစေတာကြောင့် အခြားလေ့ကျင့်ခန်းများ အားလုံးပြုလုပ်ပြီးမှ နောက်ဆုံးပိတ်အနေနဲ့ ပြုလုပ်ပေးရပါမယ်။
Source: Brightside.me
By MyStyle Myanmar
