ဆံပင်အဖျားတွေမှာနှစ်ခွဖြစ်တာကိုအမြန်ဆုံးသက်သာစေမယ့်ပေါင်းတင်နည်း ၃ မျိုး

မိန်းကလေးတော်တော်များများ ကြုံတွေ့ရတဲ့ ပြဿနာကတော့ ဆံပင်အဖျားတွေ နှစ်ခွဖြစ်တာမျိုးပါ။ ဒီလို ဆံပင်အဖျားမှာ နှစ်ခွဖြစ်နေတာတွေကို အမြန်ဆုံးသက်သာလာအောင် လုပ်ပေးနိုင်မယ့် အလွယ်ကူဆုံး ဆံပင်ပေါင်းတင်နည်း ၃ မျိုး ရှိပါတယ်။ ဒီ ၃ မျိုးထဲကမှ ကိုယ်အဆင်ပြေတာတစ်မျိုးကို ရွေးလုပ်လိုက်ရုံပါပဲ။

ဒိန်ချဉ်နဲ့သံလွင်ဆီ

ဒိန်ချဉ် – ခွက်တစ်ဝက်စာနဲ့ သံလွင်ဆီ – စားပွဲတင်ဇွန်း ၂ ဇွန်းကို ရောမွှေပြီး ဆံပင်အဖျားတွေမှာ နှံ့အောင်သေချာသုတ်လိမ်းပေးပါ။ မိနစ် ၃၀ ထားပြီးရင်တော့ ခေါင်းလျှော်ချလိုက်ရုံပါပဲ။ ဒီနည်းလမ်းကို တစ်ပတ်တစ်ကြိမ် ပုံမှန်လုပ်ပေးမယ်ဆိုရင်တော့ ဆံပင်နှစ်ခွဖြစ်တာတွေက သိသိသာသာကို သက်သာလာပါလိမ့်မယ်။

ကြက်ဥအနှစ်နဲ့ပျားရည်

ကြက်ဥအနှစ် – ၁ လုံးနဲ့ ပျားရည် – လက်ဖက်ရည်ဇွန်း ၁ ဇွန်းတို့ကို ရောမွှေပြီး ဆံပင်နှစ်ခွဖြစ်တဲ့နေရာတွေမှာ သေချာလိမ်းပေးပါ။ ပြီးရင်တော့ တစ်နာရီထားပြီး ပျော့တဲ့ mild shampoo နဲ့ လျှော်ပေးပါ။ ဒီနည်းလမ်းကိုလုပ်မယ်ဆိုရင်လည်း တစ်ပတ်တစ်ကြိမ် ပုံမှန်လုပ်ပေးပါ။ ဆံပင်နှစ်ခွဖြစ်တာတွေ သက်သာလာပါလိမ့်မယ်။

အုန်းဆီ

အုန်းဆီကို နွေးနွေးလေးဖြစ်သွားအောင် microwave ထဲ ၁၅ စက္ကန့်ထည့်ပြီး အချိန်ပြည့်ရင် အပြင်ထုတ်ပြီး ခဏထားပါ။ ပြီးရင်တော့ ဆံပင်နှစ်ခွတွေမှာ သေချာလိမ်းပြီး အဖျားတွေကိုလည်း များများလိမ်းပါ။ ပြီးရင်တော့ towel သို့ shower cap နဲ့ မိနစ် ၃၀ ပေါင်းထားလိုက်ပါ။ အချိန်ပြည့်ရင် ပျော့တဲ့ mild shampoo နဲ့ ခေါင်းလျှော်ပေးပါ။ ဒီနည်းလမ်းကိုလည်း တစ်ပတ်တစ်ကြိမ် ပုံမှန်လုပ်ပေးမယ်ဆိုရင် ဆံပင်နှစ်ခွဖြစ်တာတွေ သက်သာလာမှာပါ။

source:www.timesofindia.indiatimes.com