သင့်အရေပြားပေါ်မှာ ရှိတဲ့အပေါက်လေးတွေက လေဝင်လေထွက်ကောင်းအောင် ပြုလုပ်ပေးထားပါတယ်။ ဒီချွေးပေါက်လေးတွေကို သာမန်မျက်လုံးနဲ့ မမြင်နိုင်ပါဘူး။ ဒါပေမဲ့ အသက်ကြီးလာတာနဲ့အမျှ ဒီချွေးပေါက်တွေက ကျယ်လာကြပါတယ်။
ချွေးပေါက်အကျယ်ကြီးတွေက သင့်မျက်နှာကို ကြည့်ရဆိုးစေပါတယ်။ ဒါကြောင့် ချွေးပေါက်ကျဉ်းဖို့အတွက် အလှပြင်ပစ္စည်းတွေသုံးမယ့်အစား သဘာဝကုထုံးနဲ့ ကုသနိုင်ပါတယ်။ ဒါကတော့-
ရှားစောင်းလတ်ပတ်ဂျယ်
Source: Quora
ရှားစောင်းလတ်ပတ်ဂျယ်အနည်းငယ်ကို သင့်မျက်နှာပေါ်လိမ်းပြီး တစ်ညထားပေးပါ။ နောက်နေ့မနက်မှာ ရေဆေးပေးပါ။ ဒီလိုလုပ်တာက အရေပြားကို အစိုဓာတ်ပေးပြီး ချွေးပေါက်ကျဉ်းစေပါတယ်။ အဆီပိုတွေ အညစ်အကြေးတွေကိုလည်း ဖယ်ရှားပေးပါတယ်။
ပန်းသီးရှာလကာရည်
Source: Healthline
ဒီအရည် လဘရည်ဇွန်း တစ်ဇွန်းနဲ့ ရေ ငါးဇွန်းရောပေးပါ။ ဒီအရောကို စပရေဖြန်းတဲ့ဘူးထဲထည့်ပြီး သဘာဝတိုနာအနေနဲ့ အသုံးပြုနိုင်ပါတယ်။ သင့်မျက်နှာပေါ်ဖြန်းပြီး ခြောက်အောင်ထားပေးပါ။ နောက်ဆုံးအဆင့်အနေနဲ့ အစိုဓာတ်ထိန်းခရင်လိမ်းပေးပါ။ ဒါက ချွေးပေါက်ကျယ်တာကို လျှော့ချပေးပြီး အရေပြား pH အဆင့်ကို ထိန်းညှိပေးပါတယ်။ အရေပြားပိုးဝင်တာကိုလည်း တိုက်ထုတ်ပေးပါတယ်။
ကြက်ဥအကာ
Source: Fashionactivation
သင့်အရေပြားကို တင်းရင်းစေပြီး ချွေးပေါက်ကျဉ်းစေတဲ့ ကြက်ဥအကာနည်းလမ်းက ဒီလိုပါ။
ပါဝင်ပစ္စည်း
- ကြက်ဥအကာ တစ်လုံး
- အုတ်ဂျုံမှုန့် လဘရည်ဇွန်း ၂ ဇွန်း
- သံပယိုရည် လဘရည်ဇွန်း ၂ ဇွန်း
ပါဝင်ပစ္စည်းအားလုံး အနှစ်ပုံစံရတဲ့အထိ ရောပေးပါ။ သင့်မျက်နှာပေါ်လိမ်းပြီး နာရီဝက်ထားပေးပါ။ ရေအေးနဲ့ ဆေးချပြီး နေ့စဉ်ပုံမှန်လုပ်ပေးနိုင်ပါတယ်။