သင့်ကျန်းမာရေးကို ထိခိုက်စေနိုင်တဲ့ မှားယွင်းသော လေ့ကျင့်ခန်းပြုလုပ်သည့် အနေအထားများ

ခန္ဓာကိုယ်သွယ်လျလှပပြီး ကြွက်သားများကျစ်လျစ်ကာ အဆီပိုတွေ ဖယ်ဖျက်ချင်သူများအနေနဲ့ လေ့ကျင့်ခန်းပြုလုပ်ဖို့ အချိန်ပေးကြ၊ Gym သွားဆော့ကြနဲ့ အမျိုးမျိုးကြိုးစားနေကြတာပါ။ လေ့ကျင့်ခန်းပြုလုပ်တဲ့အခါမှာလည်း အခြေခံလေ့ကျင့်ခန်းတွေကနေတစ်ဆင့် ပြင်းထန်တဲ့လေ့ကျင့်ခန်းတွေကို တိုးပြီးဆော့ရပါတယ်။

လေ့ကျင့်ခန်းတွေကို ပြင်းပြင်းထန်ထန်ဆော့ပေမယ့်လည်း ပြုလုပ်တဲ့အနေအထားမမှန်တဲ့အခါ အချိန်ကုန် လူပင်ပန်းတာပဲအဖတ်တင်တဲ့အပြင် ကျန်းမာရေးကိုလည်း ထိခိုက်စေပါတယ်။ ဒါ့ကြောင့် လေ့ကျင့်ခန်းပြုလုပ်တဲ့သူတွေအနေနဲ့ သိထားသင့်တဲ့အရာများ၊ လေ့ကျင့်ခန်းပြုလုပ်တဲ့အနေအထားမှားယွင်းမှုများကို ရှောင်ကြဉ်နိုင်ဖို့အတွက် ဝေမျှပေးလိုက်ပါတယ်။

Hip Bridge

တင်ပါးကို အပေါ်မြှောက်တဲ့အခါ အရမ်းမြှောက်ရင် ခုံးခုံးကြီးဖြစ်သွားတတ်ပါတယ်။ ပုံစံအမှားကို ရှောင်ကြဉ်ပြီး မျဉ်းစောင်းအဖြောင့်ပုံစံအတိုင်း ဖြစ်နေရပါမယ်။

Alternating Side Lunges

Squat ထိုင်ထားပြီး ခန္ဓာကိုယ်ကို ဘေးဘက်သို့ရွေ့ရတဲ့လေ့ကျင့်ခန်းလေးပါ။ ပုံအမှန်ထဲကလို ခါးကိုကော့ထားပေးပြီး ဒူးခေါင်းကလည်း ၉၀ ဒီဂရီ ထောင့်မတ်ကျနေရပါမယ်။

Plank ထောက်ခြင်း

ပုံအမှားတွေထဲကလို ခန္ဓာကိုယ်က အောက်ကျပြီးကော့နေတာမျိုး၊ အပေါ်အရမ်းမြှောက်ထားလို့ ခုံးနေတာမျိုး မဖြစ်ရပါဘူး။ တင်ပါးနဲ့ ကျောပြင်က ရေပြင်ညီမျဉ်းအတိုင်းဖြစ်နေရပါမယ်။

အလေးမပြီး Squat ထိုင်တဲ့အခါ

အလေးမသည်ဖြစ်စေ၊ အလွတ် Squat ထိုင်သည်ဖြစ်စေ သတိထားရမှာကတော့ ခါးကုန်းမထားဘဲ ခါးကော့ထားရပါမယ်။ ပြီးရင် ပေါင်ကလည်း ကြမ်းပြင်နဲ့ ရေပြင်ညီမျဉ်းအတိုင်းဖြစ်နေရပါမယ်။ အလေးတန်းကိုင်ထားမယ်ဆိုရင်တော့ အလေးတန်းက ခြေထောက်ထိပ်ပိုင်းနဲ့ တစ်ပြေးညီဖြစ်နေလို့ မရပါဘူး။

အလေးတန်းကိုင်တဲ့ လက်အနေအထား