ထိတ်လန့်စရာများ နှင့် အန္တရာယ်များလှသော အတွေ့အကြုံများကိုမှ တောင့်တမက်မောလွန်းလှသည့် ခရီးသွားများ ကို သြစတျေးလျနိုင်ငံရှိ ဒါဝင်မြို့သို့ သွားရောက်လည်ပတ်ရန် နှိုးဆော်ချင်ပါတယ်။

ထို့မြို့ဟာဆိုရင် ယခုအချိန်မှာ အလွန်နာမည်ကြီးနေသော နေရာတစ်ခုဖြစ်သည့် “Cage Of Death” တည်ရှိနေတဲ့ မြို့တစ်မြို့လည်း ဖြစ်ပါတယ်။ “Cage Of Death” ဆိုသည်မှာ တိုက်ကြီးများထဲမှ အကြီးမားဆုံးသော မိချောင်းများနှင့် မျက်နှာချင်းဆိုင် ကြုံတွေ့နိုင်မည့် အခွင့်အလမ်းကို ပေးစွမ်းမည့် နေရာတစ်ခုပဲ ဖြစ်ပါတယ်။


“Cage Of Death” ကို လူသားများအား လုံခြုံစိတ်ချရမှုရှိစေရန် အလွန်ထူထဲသော ဖန်ပေါင်းချုံကြီးဖြင့် ပြုလုပ်ထားပြီး ထို အထဲသို့ဝင်ရောက်ကာ အရွယ်အစားအားဖြင့် (၁၆) ပေ ရှည်လျားသော မိချောင်းကြီးများ နေ့တဒူဝ လှုပ်ရှားကူး ခတ်နေပုံများကို ရင်သပ်ရှုမောဖွယ် မြင်တွေ့နိုင်မှာ ဖြစ်ပါတယ်။

အခန်းကဏ္ဍတစ်ခုစီမှာ ၁၅ မိနစ်ကြာ ကြာမြင့်ပြီး ခရီးသွားဧည့်သည်များမှာ ဦးစွာပထမအနေနှင့် ရေထဲသို့မ၀င်ရောက် ခင် မိချောင်းများအား အစာကျွေးနေပုံကို မျက်မြင်ကိုယ်တွေ့ ရှုစားရမှာဖြစ်ပါတယ်။ ထိုမှတဆင့် ဖန်ပေါင်းချုံဟာ ရေ ထဲသို့ တဖြည်းဖြည်း နစ်ဝင်သွားမှာဖြစ်ပြီး အရွယ်အစားအင်မတန်မှ ကြီးမာလှသည့် သားရဲတိရစ္ဆာန်များက အနားသို့ ကူးခတ်လာကာ လာရောက်ရှုစားသူများအား ကြောက်စရာကောင်းလှသော သွားများဖြင့် နှုတ်ဆက်စကား ဆိုလာကြ မှာပါ။

“Cage Of Death” အတွင်းရှိ မိချောင်းများမှာ သားရဲတိရစ္ဆာန်တို့၏ ပင်ကိုယ်သဘာဝ ကြမ်းတမ်းခက်ထန်မှုကြောင့် သြစတျေးလျနိုင်ငံအတွင်းတွင်ပင် အထူး လူသိများကျော်ကြားလှပါတယ်။ သည့်အတွက် ထိုသားရဲတိရစ္ဆာန်များ၏ အ နားကိုကပ်ဖို့မှာ တော်ရုံသတ္တိဖြင့် မဖြစ်နိုင်သည့်အတွက် အသည်းငယ်အောင်ကြောက်တတ်သူများ မသွားဖို့ကြိုတင် တိုက်တွန်းချင်ပါတယ်။

သွားရောက်လည်ပတ်ခဲ့ဖူးသော ခရီးသွားတစ်ယောက်ကလည်း ထိုမိချောင်းကန်သို့ ၀င်ရောက်ရသည်မှာ အင်မတန် ကြောက်ဒူးတုန်ရုံမှလွဲ၍ မတတ်နိုင်သော်လည်း ဖန်ပေါင်းချုံမှာ အင်မတန်ထူထဲသည့်အတွက် လုံခြုံမှုကိုတော့ ခံစားရ ပါတယ် ဆိုပြီးတော့လည်း မိမိအတွေ့အကြုံကို ပြောပြခဲ့ဖူးပါသေးတယ်။

ထိုကဲ့သို့ ကြောက်ဖို့ကောင်းလှသော သားရဲတိရစ္ဆာန် မိချောင်းများရှိသည့် “Cage Of Death” သို့ ၀င်ရောက်ဖို့မှာ အန္တရာယ်များလှသောကြောင့် အသက်အရွယ်ကန့်သတ်များလည်း ရှိပါတယ်။ ထို့ကြောင့် သတ်မှတ်ထားသော အ သက်ပြည့်မှသာ အထဲသို့ဝင်ရောက်ခွင့်ရှိမှာဖြစ်ပြီး မ၀င်ခင်မှာလည်း လုံခြုံစိတ်ချမှုအတွက် ထရိန်နင်အနည်းအကျဉ်း ကိုလည်း သင်ယူရအုံးမှာဖြစ်ပါတယ်။

“Cage Of Death” သို့ ၀င်ရောက်ရန် တစ်ဦှးလျှင် ဒေါ်လာ ၁၂၆ ကျသင့်မှာဖြစ်ပြီး နှစ်ဦးလျှင် ဒေါ်လာ ၁၉၀ ခန့် ကုန်ကျမှာဖြစ်ပါတယ်။ ထိုကုန်ကျစရိတ်မှာ မိချောင်းကန်တစ်ခုတည်းအတွက်သာ မဟုတ်ဘဲ Crocosaurus Cove အတွင်းရှိ အခြားသားရဲတိရစ္ဆာန်များရှိသည့် နေရာများသို့လည်း သွားရောက်လည်ပတ်နိုင်မှာဖြစ်ပါတယ်။