စာလုပ်တဲ့အခါမှာ လုပ်နေရင်းနဲ့ ငြီးငွေ့ပြီး အိပ်ချင်လာတာမျိုးတွေ ဖြစ်ဖူးကြမှာပါ။ စားမေးပွဲမရှိတဲ့အချိန်တွေကတော့ ကိစ္စမရှိပေမယ့် စာမေးပွဲရှိနေတဲ့အချိန်မှာ ဒီလိုဖြစ်ရင်တော့ သေချာဂရုစိုက်မှဖြစ်ပါမယ်။ ဒါကြောင့် စာလုပ်ရတာ ပြန်ပြီးစိတ်ပါလာအောင်၊ အိပ်ချင်စိတ်တွေပျောက်သွားအောင် လုပ်ကြည့်သင့်တဲ့အရာလေးတွေကို မျှဝေပေးလိုက်ပါတယ်။

သီချင်းနားထောင်ပါ။

စာလုပ်နေရင်းနဲ့ စိတ်မပါတော့ရင်ပဲဖြစ်ဖြစ်၊ အိပ်ချင်လာရင်ပဲဖြစ်ဖြစ် မြူးကြွတဲ့သီချင်းတွေကို နားထောင်လိုက်ပါ။ စိတ်ပါရင်ပါသလို ကခုန်လိုက်ပါ။ ဒီလိုလုပ်လိုက်တာဟာ စိတ်ကိုပြန်ပြီး လန်းဆန်းသွားစေလို့ စာလုပ်ရတာလည်း ပြန်စိတ်ပါလာပြီး အိပ်ချင်စိတ်တွေလည်း ပျောက်သွားစေပါတယ်။

လမ်းထလျှောက်ပါ။

စာလုပ်နေရင်းအိပ်ချင်လာရင် လမ်းထလျှောက်ပေးပါ။ အိပ်ချင်စိတ်ပြေစေပါတယ်။ လမ်းလျှောက်ရင်းနဲ့ စာကျက်ပေးရင် ပိုတောင်ကောင်းပါသေးတယ်။

အိပ်ချင်ပြေစေအောင် တစ်ခုခုသောက်ပါ။

စာလုပ်နေရင်းနဲ့ ငြီးငွေ့ပြီး အိပ်ချင်လာတဲ့အခါမှာတော့ ကော်ဖီ၊ သံပုရာရည်၊ လီမွန်တီးနဲ့ Energy Drink တစ်ခုခုကို သောက်ပေးပါ။ ဒီသောက်စရာတွေက အိပ်ချင်စိတ်ကိုပြေစေပြီး စိတ်ကိုလန်းဆန်းစေလို့ စာကျက်ရတာလည်း အဆင်ပြေစေပါတယ်။

ကိုယ်လက်လှုပ်ရှားပါ။

ကိုယ်လက်လှုပ်ရှားပြီး လေ့ကျင့်ခန်းလုပ်ပေးတာမျိုးကလည်း အိပ်ချင်ပြေပြီး လန်းဆန်းလာစေပါတယ်။ စိတ်တွေရှုပ်ထွေးလာပြီး စာလုပ်လို့မရတော့ရင် တရားထိုင်တာပဲဖြစ်ဖြစ်၊ ယောဂကျင့်တာပဲဖြစ်ဖြစ် ပြုလုပ်ပေးနိုင်ပါတယ်။

ခေါင်းအေးအေးထားပြီး စဉ်းစားပါ။

စာလုပ်တဲ့အခါမှာ မရတော့ရင် စိတ်တွေရှုပ်ထွေးပြီး စာဆက်မလုပ်ချင်တာမျိုးတွေ ဖြစ်လာတတ်ပါတယ်။ ဒါကြောင့် စာလုပ်တဲ့အခါမှာ ခေါင်းအေးအေးထားပြီး ဘာတွေကို လုပ်ရမယ်ဆိုတာ သေချာ Paln ချပြီး လုပ်ပေးမယ်ဆိုရင်တော့ အဆင်ပြေစေမှာပါ။

Photo Source: www.pexels.com