မင်္ဂလာပါနော်။ ကျန်းမာရေးနဲ့ အသားအရေလှဖို့အတွက် သင်စားတဲ့ အစာအာဟာရတွေ သင်သောက်သုံးတဲ့ ဖျော်ရည်တွေကသိပ်ကိုအရေးပါလှပါတယ်။

ဒါ့ကြောင့် သင့်ကို ကျန်းလည်းကျန်းမာစေမယ် အသားအရေလည်း လှစေမယ့် အရည် (၄) မျိုးကို မျှဝေပေးပါမယ်။

၁။ သံပယိုရည်

အသားအရေ ကြည်လင်ပြီး ကျန်းမာဖို့အတွက် ရေနွေးတစ်ခွက်နဲ့ သံပယိုသီးအရည်ညစ်ပြီးသောက်ပေးလိုက်ပါ။ ဗီတာမင် C ပါဝင်ပြီး သင့်အသားအရေကိုလှပစေမှာပါ။

၂။ အစိမ်းရောင်ဖျော်ရည်များ

အသည်းကိုကျန်းမာစေသလို ခန္ဓာကိုယ်က အဆိပ်အတောက်တွေကို ဖယ်ရှားပေးတဲ့ အစိမ်းရောင် ဖျော်ရည်ကို သောက်ပေးပါ။ ပန်းသီးအစိမ်း၊ သခွားသီး စတဲ့ သဘာဝအစိမ်းရောင်အသီးတွေ အရွက်တွေကို ဖျော်ပြီးသောက်နိုင်ပါတယ်။

၃။ အရိုးစွပ်ပြုတ်သောက်ပါ

အရိုးစွပ်ပြုတ်က သင့်ကို ကျန်းမာစေပါတယ်။ ပရိုတင်းဓာတ်ကြွယ်ဝပြီး အသားအရေကိုလှပစေပါတယ်။

၄။ ရေ

ရေကတော့ မရှိမဖြစ်ပါပဲ။ ရေကို တစ်နေ့ ၈ ခွက်အနည်းဆုံးသောက်ပေးပါ။ အသားအရေကို ရေဓာတ်ဖြည့်ပေးပြီး ကြည်လင်လာစေမှာပါ။