ပြင်သစ်ဟာ အရင်ကတည်းက ဖက်ရှင်လောကမှာပဲဖြစ်ဖြစ် ရေမွှေးနဲ့ပတ်သက်ပြီးလည်း ကမ္ဘာနာမည်ကြီးတဲ့ စိတ်ကူးယဉ်မြို့တော်တစ်ခုလည်းဖြစ်ပါတယ်။ Coco Chanel တို့ Louis Vuitton တို့မွေးဖွားရာ နိုင်ငံလည်းဖြစ်လို့ ဖက်ရှင်နဲ့ ပတ်သက်ပြီး အတုယူစရာကောင်းတဲ့နိုင်ငံလို့လည်း ပြောနိုင်ပါတယ်။ ဒါတင်မကသေးပါဘူး။ ပြင်သစ်မိန်းမပျိုလေးတွေဟာ ဖက်ရှင်ကျပြီး ဆွဲဆောင်မှုရှိတဲ့သူတွေဆိုလည်း မမှားပါဘူး။
နာမည်ကြီး ဒီဇိုင်နာဖြစ်တဲ့ Vanessa Bruno တို့လို ဖက်ရှင်အမြင်ရှိတဲ့သူတွေ ပေါများတော့ ပြင်သစ်အမျိုးသမီးတွေ ဝတ်စားနေထိုင်ပုံဟာ အမြဲတမ်းအဆင့်အတန်းမြင့်နေတာကြောင့် အတူယူထိုက်တဲ့ အကျင့်စရိုက်တစ်ချို့လည်းရှိပါတယ်။ ဥရောပဖက်ရှင်အနှစ်အရသာပြည့်ဝတဲ့ ဖက်ရှင်ရွေးချယ်မှုအတွက် အတုယူသင့်တဲ့ နည်းလမ်းအချို့ကို ဖော်ပြပေးလိုက်ပါတယ်။
ကျက်သရေရှိရှိနဲ့ အဆင့်အတန်းမြင့်တဲ့ဖက်ရှင်ဟာ သဘာဝအရောင်တွေပါပဲ။ အရောင်ကြောင်ကြောင်ကျားကျားတွေ ထင်ထင်ပေါ်ပေါ်ဖြစ်တဲ့ Pattern တွေဟာ အမျိုးသမီးတွေရဲ့ နဂိုအလှကို မှေးမှိန်စေလို့ အရောင်ရွေးချယ်ရာမှာ သတိထားတတ်စေဖို့ ပြင်သစ်အမျိုးသမီးတွေဆီက အတူယူသင့်ပါတယ်။
ပြင်သစ် အမျိုးသမီးတွေခံယူထားတဲ့ ဖက်ရှင်ဟာ ခေတ်ရေစီးကြောင်းနောက် မလိုက်ကြပါဘူး။ အဓိကက သူများဒီဟာ ဝတ်တိုင်း ကိုယ်လိုက်ဝတ်စရာမလိုဘူးဆိုတာပါပဲ။ စတိုင် မဂ္ဂဇင်းတွေ ဖက်ရှင်နဲ့ပတ်သက်တဲ့ Online Web တွေမှာ အမြဲတမ်း ခေတ်စားနေတဲ့ ဖက်ရှင် ဒီဇိုင်းတွေဟာ အမှီလိုက်ဖို့ဆိုတာ မလွယ်လှပါဘူး။ မိန်းမဆိုတဲ့သဘောတရားက အဝတ်အစားနဲ့ပတ်သက်ရင် လှတာမြင်သမျှလိုချင် သူများဝတ်သမျှလိုက်ဝတ်ချင်တဲ့အမျိုးမို့ ကိုယ်နဲ့လိုက်ဖက်မယ့် ဖက်ရှင်စတိုင်လ်ကို ရွေးတတ်ဖို့ အရင်ဆုံး ပြောချင်ပါတယ်။
မိမိကိုယ်ပိုင်စတိုင်လ် ကိုဖော်ထုတ်ဖို့အတွက် မရှက်ကြောက်သူတွေပါ။ ဥပမာပေးရရင် Formal ဖြစ်တဲ့ ဘလေဇာကုတ်အင်္ကျီကို ဂါဝန်အနက်ပေါ်မှာ လည်စည်းပုဝါနဲ့ တွဲပြီးဝတ်တာမျိုး ၊ နောက်ပြီး ဘောင်းဘီတို့နဲ့ ကုတ်အင်္ကျီနဲ့ တွဲဝတ်တာမျိုးတွေကို ဆိုလိုတာပါ။ Classic ဖြစ်တဲ့ ဖက်ရှင်ကို မော်ဒန် ဖက်ရှင်နဲ့ တွဲဖက်ဝတ်ဆင်တတ်တာမျိုးကို အတုယူသင့်ပါတယ်။
