တစ်ကိုယ်ရေတစ်ကာယဖြစ်စေ၊ သူငယ်ချင်းအပေါင်းအသင်းတွေနဲ့ဖြစ်စေ စူးစမ်းလေ့လာပြီး ရရှိလာသော အမှတ်တရအခိုက်အတန့်တွေကို မြင်တွေ့ရသည့်အတိုင်း မှတ်တမ်းတင်ပြီးတော့ အခြားသူတွေဆီကို ပြန်လည်မျှဝေလိုသူများအတွက် Samsung Myanmar မှဖန်တီးထားသော စမတ်ဖုန်းသစ် Galaxy A9 ကို မြန်မာနိုင်ငံတွင် ဒီဇင်ဘာလ ၁ ရက်နေ့မှာ မိတ်ဆက်ပေးခဲ့ပါတယ်။ အဆိုပါစမတ်ဖုန်းသစ် မိတ်ဆက်မှုနှင့်အတူ Samsung Myanmar သုံးစွဲသူတွေအားလုံး အတူတကွ စိတ်လှုပ်ရှားစွာပါဝင်ဆင်နွှဲနိုင်မည့် အစီအစဉ်သစ်များကိုလည်း Samsung Brand Ambassador ဖွေးဖွေး၊ The Moment တို့နှင့် အတူပူးပေါင်း၍ Push Your Boundaries ပွဲလေးကို ဒီဇင်ဘာလ ၁၅ ရက်နေ့တွင် ကျင်းပပြုလုပ်ခဲ့ပါတယ်။
ထိုပွဲလေးတွေတော့ ဖွေးဖွေးကို ချစ်ခင်အားပေးကြတဲ့ ပရိတ်သတ်များစွာထဲကမှ ကံထူးသူ ၁၀ ဦးကို ရွေးချယ်ပြီး ဖွေးဖွေးနှင့်အတူ ဓာတ်ပုံတွဲရိုက်ခွင့်ကို စီစဉ်ပေးခဲ့ရုံသာမကပဲ အဆိုပါ ပရိတ်သတ် ၁၀ ဦးများအနက် ၁ ဦးကို ရွေးချယ်ပြီးတော့ Samsung Social Ambassador အနေနဲ့ ခန့်အပ်သွားမှာဖြစ်ပါတယ်။ အထူးကံစမ်းမဲအစီအစဉ်အနေနဲ့ လာရောက်ကြည့်ရှုသူပရိတ်သတ်များအတွက် Galaxy A9 တစ်လုံးကိုလည်း ရွေးချယ်ပေးအပ်ခဲ့ပါသေးတယ်။
ထို့အပြင် Samsung Myanmar ဟာဆိုရင် မြန်မာလူငယ်များအကြားမှာ နာမည်ကျော်ကြားပြီး လူကြိုက်များလျက်ရှိတဲ့ Couple Influencers များဖြစ်ကြသည့် သူရိန်ကျော်မိုး၊ Christina Lim တို့နှင့်ပူးပေါင်းပြီးတော့လည်း ကော့သောင်းမြို့အနီးတစ်ဝိုက်မှာ Galaxy A9 ကို အသုံးပြုပြီးတော့ ရိုက်ယူထားတဲ့ ခရီးသွားမှတ်တမ်းတွေကိုလည်း ပြုလုပ်ဖန်တီးထားပါတယ်။ မြန်မာနိုင်ငံ၊ ကော့သောင်းမြို့အနီးတစ်ဝိုက်က လှပသော ကမ်းခြေများ နှင့် အပျိုစင်ကျွန်းများကိုလည်း သွားရောက်စူးစမ်းလေ့လာခဲ့ပြီး Galaxy A9 ဖြင့် ဓာတ်ပုံများရိုက်ယူရာတွင် ရရှိခဲ့သော အတွေ့အကြုံများကိုလည်း ပြန်လည်ဝေမျှပေးခဲ့ပါတယ်။
“ကျွန်တော်တို့ ခရီးသွားတဲ့အခါမှာဆိုရင် အရမ်းလှတဲ့ နေရာတွင်ရောက်ရင် မျက်လုံးနဲ့မြင်ရတဲ့အတိုင်း ရှုခင်းကြီးတစ်ခုလုံးကို ဖုန်းထဲမှာ ပေါ်အောင် ရိုက်ယူလို့မရတဲ့ အခြေအနေတွေ အမြဲကြုံရပါတယ်။ ဥပမာ ပင်လယ်ပြင်မျက်စိတစ်ဆုံးမြင်ရတဲ့ ကမ်းခြေအရှည်ကြီးကို ရိုက်ချင်တာတို့၊ သူငယ်ချင်းတွေအများကြီးအုပ်စုလိုက်ရိုက်တဲ့အခါမှာ ဓာတ်ပုံတစ်ပုံထဲမှာ အကုန်လုံးပါအောင်ရိုက်ချင်တာတို့ စတဲ့ အခြေအနေမျိုးပေါ့ဗျာ။
ဒါပေမဲ့ Galaxy A9 သာရှိတယ်ဆိုရင် အဲ့ဖုန်းမှာပါတဲ့ Ultra Wide Angle လုပ်ဆောင်ချက်ကိုရွေးပြီး မျက်စိတဆုံးမြင်ရတဲ့ ရှုခင်းတစ်ခုလုံးကို ရိုက်လို့ရပါတယ်။ ပုံမှန်စမတ်ဖုန်းကင်မရာတွေမှာ ပါတဲ့ 77° view နဲ့ သိသိသာသာ ကွဲပြားပြီး မျက်လုံးနဲ့မြင်ရတာတဲ့အတိုင်း ရိုက်ယူနိုင်ပါတယ်။” ဟု သူရိန်ကျော်မိုးမှ Galaxy A9 ကင်မရာ၏ လုပ်ဆောင်ချက်အသစ်အား မျှဝေပြောကြားခဲ့ပါတယ်။
