အားလုံးပဲ မင်္ဂလာပါ။ အခုနောက်ပိုင်းမှာ ကိုရီးယားဇာတ်လမ်းတွဲတွေအပြင် ထိုင်းဇာတ်လမ်းလေးတွေကိုလည်း လူကြိုက်များလာကြပါတယ်။ ထိုင်းဇာတ်လမ်းတွဲတွေကလည်း ဇာတ်လမ်းဇာတ်အိမ်ဖွဲ့စည်းပုံ ကောင်းတဲ့အပြင် ထိုင်းမင်းသား မင်းသမီးတွေကလည်း ပြောစရာမရှိအောင်ကို ချောမောလှပတဲ့အတွက်ကြောင့်လည်း ပရိသတ်တွေရဲ့ပါးစပ်ဖျားမှာ ရေပန်းစားနေကြပါတယ်။

အဲ့ဒီထိုင်းမင်းသား မင်းသမီးတွေထဲကမှ မြန်မာပရိသတ်တွေနဲ့ သိပ်မစိမ်းတဲ့ Kimberly Anne Woltemas ရဲ့အကြောင်းကို နည်းနည်းပြောပြချင်ပါတယ်။ ပြီးမှ သူမရဲ့ဖက်ရှင်တွေကို ဆက်လက်ဖော်ပြပေးသွားမယ်နော်။ သူမရဲ့နာမည်အရင်းကတော့ Kimberly Anne Woltemas Tiamsiri ပဲဖြစ်ပါတယ်။ သူမကို ၁၉၉၂ ခုနှစ်၊ ဇန်နဝါရီလ (၂၂) ရက်နေ့က ဂျာမနီနိုင်ငံမှာ မွေးဖွားခဲ့တာပါ။ သူမရဲ့ဖခင်ကတော့ ဂျာမနီနိုင်ငံသားဖြစ်ပြီး မိခင်ကတော့ ထိုင်းလူမျိုးပါ။ ဒါ့ကြောင့် သူမက ဂျာမန်၊ ထိုင်း ကပြားမလေးပေါ့။ သူမက ထိုင်း၊ ဂျာမန်ဘာသာစကားအပြင် အင်္ဂလိပ်စကားကိုလည်း ကျွမ်းကျွမ်းကျင်ကျင်ပြောတတ်ပါတယ်။

သူမရဲ့ အရပ်အမြင့်ကတော့ ၁၇၁ စင်တီမီတာ (၅ ပေ ၆ လက်မခွဲ) ရှိပါတယ်။ သူမမှာ Thomas နဲ့ Daniel လို့ခေါ်တဲ့ အစ်ကိုနှစ်ယောက်ရယ်၊ Jennifer လို့ခေါ်တဲ့ အစ်မတစ်ယောက်ရှိပါတယ်။ သူမက လတ်တလောမှာတော့ Prin Suparat လို့ခေါ်တဲ့ မင်းသားချောနဲ့ တွဲနေတယ်လို့ သတင်းရထားပါတယ်။ ပရိသတ်တို့ရော သူတို့အတွဲလေးကို သဘောတူကြရဲ့လား။

သူမရဲ့ စိတ်ဝင်စားစရာကောင်းတဲ့နောက်တစ်ချက်ကတော့ သူမက ပျိုမေလေးတို့လို၊ စာရေးသူတို့လို အစားပုတ်လေးပါပဲတဲ့။ အစားအစာရှေ့မှာဆို ရှုတင်မှာပဲဖြစ်ဖြစ်၊ ဘယ်သူ့ရှေ့မှာပဲဖြစ်ဖြစ် ဟန်မဆောင်နိုင်ပါဘူးတဲ့။ ဒါ့ကြောင့် သူမနဲ့တွဲဖက်သရုပ်ဆောင်ရတဲ့ မင်းသားတွေရဲ့ ဝိုင်းစတာကို မကြာခဏခံရလေ့ရှိပါတယ်။

သူမက ငယ်ငယ်လေးကတည်းက မင်းသမီးဖြစ်ချင်ခဲ့တာပါ။ မင်းသမီးဖြစ်ဖို့ကိုလည်း တော်တော်လေးကြိုးစားရုန်းကန်ခဲ့ရပါသေးတယ်။ အခုအချိန်မှာတော့ သူမရဲ့ ကြိုးစားမှုအသီးအပွင့်ကို ခံစားနေရတာ ချစ်ပရိသတ်တွေ မျက်မြင်ပါပဲ။ ဒီလောက်ဆိုရင် သူမရဲ့အကြောင်းစုံစုံလင်လင်သိသွားပြီဖြစ်တဲ့အတွက် သူမရဲ့ဖက်ရှင်လေးတွေကို အတူတူဆက်ကြည့်လိုက်ရအောင်နော်။

Photon Source: Pinterest.com