ချစ်စရာကောင်းပြီး ပရိသတ်အားပေးမှုကို တခဲနက်ရရှိထားသူ အိန္ဒိယမင်းသမီးလေး Anushka Sharma ရဲ့ဖက်ရှင်များ

မင်္ဂလာပါနော်။ အိန္ဒိယ ရုပ်ရှင်ချစ်သူတွေကတော့ မင်းသမီးလေး Anushka Sharma ကို ရင်းနှီးကြမယ်လို့ထင်ပါတယ်။

အခုလက်ရှိမှာ အရမ်းကိုခေတ်စားနေတဲ့ သည်းထိပ်ရင်ဖို ရုပ်ရှင်ဇာတ်ကား Pari ဆိုတဲ့ ကားလေးထွက်ရှိထားပြီး သည်းထိပ်ရင်ဖို ဇာတ်ကားတွေကြိုက်တဲ့ ပရိသတ်တွေကြားထဲမှာ အရမ်းကိုရေပန်းစားနေတာပါနော်။

ကြောက်စရာကောင်းတဲ့ အမိုက်စားမိတ်ကပ်တွေ၊ Video Effect တွေနဲ့ သူမရဲ့ သရုပ်ဆောင်ကောင်းမှုတွေက အဲဒီဇာတ်ကားကို ပိုပြီးအသက်ဝင်သွားစေပြီး သည်းထိပ်ရင်ဖို ကြိုက်သူတွေတောင်မကြည့်ရဲတဲ့ ဇာတ်ကားရယ်လို့ တင်စားပြောဆိုနေကြပါတယ်။

Anushka Sharma ကို ၁၉၈၈ ခုနှစ် မေလ ၁ ရက်နေ့က အိန္ဒိယနိုင်ငံ Ayodhya မြို့မှာ မွေးဖွားခဲ့တာဖြစ်ပါတယ်။

အရပ်အမြင့် ၁.၇၅ မီတာ (၅ပေ ၈.၈၉ လက်မ) ရှိပြီး အရပ်မြင့်မြင့်နဲ့ ချစ်စရာကောင်းသူတစ်ဦးဖြစ်ပါတယ်နော်။

Rab Ne Bana Di Jodi ဆိုတဲ့ ၂၀၀၈ ခုနှစ်မှာထွက်ခဲ့တဲ့ ရုပ်ရှင်ဇာတ်ကားမှာမင်းသားကြီး Shah Rukh Khan နဲ့ ပွဲဦးထွက်ရိုက်ကူးခဲ့ပြီး အနုပညာလောကကို ရောက်ရှိလာခဲ့သူဖြစ်ပါတယ်။

သူမရဲ့ နာမည်ကျော် ရုပ်ရှင်ဇာတ်ကားတွေကတော့ အများကြီးပါပဲ။ ဒီထဲမှာတော့ ပရိသတ်တွေပိုပြီးအားပေးတဲ့ ဇာတ်ကားတွေက PK, Phillauri, Sultan, Ae Dil Hai Mushkil, Jab Harry Met Sejal, Pari စတဲ့ ဇာတ်ကားတွေပါ။