အလှမယ်အေးချမ်းမိုးဟာ လာမယ့် အောက်တိုဘာလ ၂၅ ရက်နေ့မှာ ကျင်းပမယ့် Miss Grand International ပြိုင်ပွဲကို ယှဉ်ပြိုင်ဖို့အတွက် ဗီယက်နာမ်နိုင်ငံကို ရောက်ရှိနေပြီဖြစ်ပါတယ်။

ပြိုင်ပွဲအတွက် Camp သွားဖို့ ရက်ပိုင်းအလိုမှာ သူမကို ရွေးချယ်ခဲ့တာနဲ့ပတ်သက်လို့ ပရိသတ်တွေကြား ဝေဖန်မှုတွေ၊ တိုက်ခိုက်မှုတွေ အများကြီးကြုံတွေ့ခဲ့ရပေမယ့် နိုင်ငံ့ဂုဏ်ဆောင်နိုင်ဖို့အတွက် သူမတတ်စွမ်းသလောက် အစွမ်းကုန် ကြိုးစားယှဉ်ပြိုင်ခဲ့မှာဖြစ်တဲ့အကြောင်း အလှမယ် အေးချမ်းမိုးက ကတိပေးပြောကြားခဲ့တာပါ။

Miss Grand International 2017 ပြိုင်ပွဲကို သွားရောင်ယှဉ်ပြိုင်ဖို့ ရွှေအိမ်စည်ကို ရွေးချယ်ထားခဲ့ရာကနေ စည်းကမ်းချက်တွေ ချိုးဖောက်တာ၊ ပညာရေးအထောက်အထားမပြနိုင်တာနဲ့ Miss တစ်ယောက်လို ပြောဆိုမှုမျိုးမရှိတာတွေကြောင့် ရွှေအိမ်စည်ကို သရဖူရုတ်သိမ်းခဲ့တာပါ။

ပရိသတ်တွေကြားထဲမှာ သဘောထားကွဲလွဲမှုတွေရှိခဲ့ပေမယ့်တဖက်မှာလည်း အလှမယ်အေးချမ်းမိုးကို အားပေးထောက်ခံတဲ့ ပရိသတ်တွေလည်းရှိပါတယ်။

အလှမယ်အေးချမ်းမိုးဟာ ၂၀၁၃ ခုနှစ်က မြန်မာနိုင်ငံမှာကျင်းပတဲ့ Miss Universe Myanmar 2013 1st Runner up ဆုကို ရရှိခဲ့ဖူးပြီး ၂၀၁၇ ခုနှစ်အတွက်Miss Grand International Myanmar အဖြစ် ခန့်အပ်ခြင်းခံခဲ့ရတာလည်းဖြစ်ပါတယ်ရှင်။