လူတစ်ယောက်နဲ့တစ်ယောက် အသားအရေမတူကြသလို အသားအရောင်လည်းမတူကြပါဘူး။ အဆီပြန်တတ်တဲ့အသားအရေရှိတယ်။ ခြောက်သွေ့တဲ့အသားအရေရှိတယ်။ ပေါင်းစပ်အသားအရေရှိတယ်။ ပုံမှန်အသားအရေရှိပါတယ်။
ရှားစောင်းလက်ပက်က အသားအရေအတွက်ရော ကျန်းမာရေးအတွက်ရော ဆံကေသာအတွက်ရော ကောင်းမွန်ပါတယ်။ အသားအရေကို ဖြူဝင်းနုပျိုစေပါတယ်။
ခြောက်သွေ့တဲ့အသားအရေအတွက်
- ရှားစောင်းလက်ပပ် စားပွဲတင်ဇွန်း ၂ ဇွန်း
- သခွားသီး တစ်စိတ်
- သံလွင်ဆီ လက်ဖက်ရည်ဇွန်း ၁ ဇွန်း
ပါဝင်ပစ္စည်းအားလုံးကို ကြိတ်စက်ထဲထည့်ပြီး ကြိတ်လိုက်ပါ။ ပြီးရင် သံပုရာရည်အနည်းငယ်ညှစ်ထည့်ပါ။ အဲဒီနောက် မျက်နှာပေါ်မှာ လိမ်းပေးပြီး မိနစ် ၃၀ လောက်ထားပါ။ ပြီးရင် ရေနွေးလေးနဲ့ ဆေးချပေးပါ။ ပြီးရင် ရေအေးနဲ့ ထပ်ဆေးချပါ။ အသားအရေခြောက်သွေ့တဲ့သူအတွက် ကောင်းမွန်ပါတယ်။
အဆီပြန်တတ်တဲ့အသားအရေ
အဆီပြန်တတ်တယ်ဆိုရင် သံလွင်ဆီကိုမလိမ်းမိဖို့ သတိပေးချင်ပါတယ်နော်။ ရှားစောင်းလက်ပပ် အနှစ် စားပွဲတင်ဇွန်း ၂ ဇွန်းနဲ့ ပျားရည် စားပွဲတင်ဇွန်း ၂ ဇွန်းရောပြီးသေချာမွှေပါ။ ပြီးရင် မျက်နှာပေါ်လိမ်းပေးပြီး မိနစ် ၂၀ လောက်ထားပါ။ ပြီးရင် ရေအေးနဲ့ မျက်နှာသစ်ချလိုက်ပါ။ အပတ်တိုင်း တစ်ပတ် ၁ ခါ ၂ ခါ လုပ်ပေးပါ။
Sensitive ဖြစ်တဲ့အသားအရေ (အထိမခံတဲ့အသားအရေ)
ကိုယ့်အသားအရေက မတည့်တာများတဲ့အသားအရေဆိုရင် ရှားစောင်းလက်ပက်အနစ်နဲ့ သခွားသီးရယ်၊ ဒိန်ချဉ်ရယ်၊ နှင်းဆီရေရယ် အသုံးပြုပေးပါ။ ရှားစောင်းလက်ပပ်အနှစ် စားပွဲတင်ဇွန်း ၁ ဇွန်း သခွားသီးအရည် စားပွဲတင်ဇွန်း ၂ ဇွန်း ၊ ဒိန်ချဉ် လက်ဖက်ရည်ဇွန်း ၁ ဇွန်း၊ နှင်းဆီရေ လက်ဖက်ရည်ဇွန်း ၁ ဇွန်း စတဲ့ ပါဝင်ပစ္စည်းအားလုံးကိုရောလိုက်ပြီး သေချာမွှေပေးပါ။
( နှင်းဆီရေ ပြုလုပ်နည်း – နှင်းဆီပန်းပွင့်တွေကို ရေသေချာဆေးပြီး ရေထည့်ကာ ပြုတ်လိုက်ပါ။ ပြီးရင်အအေးခံပြီး အဲဒီရေကို အသုံးပြုပေးရမှာပါ) ပြီးရင် မျက်နှာပေါ်လိမ်းပေးပြီး ၁၀ မိနစ်လောက်ထားပါ။ ပြီးရင် ရေအေးနဲ့ ဆေးချပေးပါ။ ရှားစောင်းလက်ပက်အနှစ်နဲ့ ဒီအတိုင်းပေါင်းတင်ပေးလို့လည်းရပါတယ်။
အမည်းစက်တွေကင်းစင်စေဖို့
အမည်းစက်တွေကင်းစင်ချင်ရင်တော့ ရှားစောင်းလက်ပပ် နဲ့ နှင်းဆီရေကို ဆတူရောပြီး မျက်နှာနဲ့ လည်ပင်နားကို လိမ်းပေးကာ ၁၅ မိနစ် မိနစ် ၂၀ လောက်ထားပါ။ ပြီးရင် ရေအေးအေးနဲ့ မျက်နှာသစ်ချပါ။ တစ်ပတ်ကို ၁ ခါလုပ်ပေးပါ။
