ပရိသတ်တွေရဲ့ အချစ်တော် F4 မင်းသားတစ်ဦးဖြစ်တဲ့ Kim Hyun Joong ခေါင်းဆောင်မင်းသားအဖြစ်ပါဝင်တဲ့ That Time When Time Stops ဇာတ်လမ်းတွဲကို KBS W ကနေ ပြသနေပါတယ်နော်။
ဒီဇာတ်လမ်းတွဲထဲမှာ Kim Hyun Joong က အချိန်ကို ရပ်တန့်နိုင်တဲ့စွမ်းအားမျိုးကို ပိုင်ဆိုင်ထားပါတယ်။ ဒီလိုစွမ်းအားကပဲ သူ့ကို အထီးကျန်စေပြီး ဘဝမှာ အဓိပ္ပာယ်မဲ့စေခဲ့ပါတယ်။
တွဲဖက်သရုပ်ဆောင် မင်းသမီး An Ji Hyun က အလုပ်အရမ်းကြိုးစားတဲ့ကောင်မလေး၊ ဖခင်ရဲ့ အကြွေးဆပ်နေရလို့ ငွေရေးကြေးရေး အခက်အခဲတွေနဲ့ ရင်ဆိုင်နေရတဲ့ကောင်မလေးတစ်ယောက်ပါ။
Kim Hyun Joong က An Ji Hyun ရဲ့ အိမ်မှာ အိမ်ငှားအဖြစ်သွားရောက်နေထိုင်ခဲ့တယ်။
Kim Hyun Joong က အချိန်ကို ရပ်တန့်နိုင်တယ်ဆိုပေမယ့် အဲဒီအချိန်ရပ်တန့်မှုက An Ji Hyun အပေါ်မှာတော့ မထိရောက်ပါဘူး။
သူ့ရဲ့စွမ်းအားတွေမထိရောက်တဲ့ ကောင်မလေးနဲ့ တွေ့ဆုံခွင့်ရပြီးတဲ့နောက် သူ့ဘဝရဲ့ အဓိပ္ပာယ်၊ ပျော်ရွှင်မှုတွေကိုရှာဖွေတွေ့ရှိသွားမလားဆိုတာကို ကြည့်ရမှာပါနော်။
ဒီဇာတ်လမ်းတွဲလေးကတော့ အချစ်၊ ဒရမ်မာအမျိုးအစားဖြစ်ပြီး KBS W ကနေ အောက်တိုဘာလ ၂၄ ရက်နေ့ကနေစပြီး အပတ်စဉ် ဗုဒ္ဓဟူးနဲ့ ကြာသာပတေး (ကိုရီးယားစံတော်ချိန်) ည ၁၁း၀၀ နာရီမှာ ပြသနေတာဖြစ်ပါတယ်။ အပိုင်းကတော့ ၁၂ ပိုင်းရှိပါတယ်။ Kim Hyun Joong ကိုလွမ်းနေကြတဲ့ ဖန်တွေလည်း အလွမ်းပြေအောင်၊ ကိုရီးယား ဒရမ်မာကြိုက်တဲ့သူတွေအတွက်လည်း ကြည့်လို့ကောင်းတဲ့ဇာတ်ကားလေးတစ်ကားဖြစ်တာမို့ မိတ်ဆက်ပေးလိုက်ပါတယ်။
Photo: www.asianwiki.com
By: MyStyle Myanmar
https://www.youtube.com/watch?v=VA2_UsLS4qI
