Face mask လေးတွေက ဘယ်အသားအရေပြဿနာမျိုးနဲ့မဆို ဆရာကျကြပါတယ်။ မိနစ်ပိုင်းလေးလောက်အချိန်ပေးရုံနဲ့ ကျန်းမာလှပတဲ့အသားအရေမျိုးဖြစ်လာအောင်လည်း ပံ့ပိုးပေးနိုင်ကြပါတယ်။

၁။ အသားအရေတောက်ပချင်ရင်

Source: 1123RF.com

အက်ဆစ်ဓာတ်တွေကြွယ်ဝစွာပါဝင်ကြတဲ့ ခရမ်းချဉ်သီးရည် (၁) ဇွန်းနဲ့ အုန်းနို့ရည် (၂) ဇွန်းကိုရောပြီး ညအိက်ယာမဝင်ခင်ပေါင်းတင်ပေးပါ။ (၁၅) မိနစ်လောက်ထားပြီးရင်တော့ ရေဆေးချလို့ရပါပြီ။ မိုးလင်းလာတဲ့အခါ နူးညံ့ချောမွေ့တင်းပြောင်နေတဲ့သင့်အသားအရေလေးကို တွေ့ရပါလိမ့်မယ်။

၂။ မှဲ့ခြောက်တွေအတွက်

Source: mystylemyanmar.com

သံပရာရည် (၁) ဇွန်းနဲ့ ကြက်ဥအကာ (၁) ဇွန်းကိုဆတူရောပြီး ပေါင်းတင်ပေးခြင်းကလည်း မှဲ့ခြောက်နဲ့ အမဲစက်တွေကို လျော့ပါးစေနိုင်ပါတယ်။ ၎င်းကိုတော့မျက်နှာပေါ်ခြောက်အောင်ထားပြီးမှ ရေနွေးလေးနဲ့ဆေးချပေးပါ။

၃။ အဆီပြန်တဲ့သူတွေအတွက်

Source: YouTube

အဆီပြန်တတ်သူတွေ၊ ဝက်ခြံနဲ့ အရေးအကြောင်းတွေပျောက်ပြီး ကျန်းမာတဲ့အသားအရေကို ပိုင်ဆိုင်ချင်သူတွေကတော့ နနွင်းမှုန့် (၁) ဇွန်းနဲ့ လျှားဇောင်းလတ်ပတ်ဂျယ်လ် (၂) ဇွန်းကိုရောပြီး ပေါင်းတင်ပေးလို့ရပါတယ်။

၄။ အသားအရေညီညာစေဖို့

Source: srekja.mk

ကော်ဖီမှုန့် (၂) ဇွန်းနဲ့ ပျားရည် (၂) ဇွန်းကိုရောပြီး ပေါင်းတင်ပေးခြင်းဖြင့်လည်း အသားအရေညီညာအောင် ပြုလုပ်လို့ရပါတယ်။

၅။ ဝက်ခြံအတွက်ဆို

Source: al-ain.com

ဝက်ခြံအတွက်ဆိုရင်တော့ ပျားရည် (၂) ဇွန်းနဲ့ သစ်ကြံပိုးခေါက် (၄) ပုံ (၁) ပုံလောက်ကို ပျားရည်ထည့်ထားနဲ့ ပမာဏနဲ့ယှဉ်ပြီး ရောစပ်ပေါင်းတင်ပေးလို့ရပါတယ်။ (၁၅) မိနစ်လောက်ထားပြီးရင်တော့ ရေနွေးလေးနဲ့ ဆေးချလို့ရပါပြီ။

၆။ အရေးအကြောင်းကင်းချင်ရင်

Source: Beautiful Women Here

ရေဓာတ်ပါဝင်မှုပမာဏများပြားတဲ့ လျှားဇောင်းလတ်ပတ်ဂျယ်လ် (၂) ဇွန်းနဲ့ ကြက်ဥအကာ (၁) ဇွန်းတို့ကိုျရာပြီး နေ့စဉ်ပုံမှန်ပေါင်းတင်ပေးခြင်းကလည်း အရေးအကြောင်းတွေကို သိသိသာသာလျော့ပါးလာစေနိုင်ပါတယ်။

Featured image source: The Girls Beauty Bible