မင်္ဂလာပါနော်။ MyStyle Myanmar ရဲ့ စာဖတ်သူတွေထဲမှာ ခရီးသွားတာကို ကြိုက်နှစ်သက်တဲ့ သူတွေရှိမယ်လို့ထင်ပါတယ်။
ဆောင်းတွင်းလည်းရောက်လာပြီဆိုတော့ ခရီးသွားလို့ ကောင်းတဲ့ ရာသီကလည်း စလာပြီနော်။ ဒီဇင်ဘာလဆိုတော့ ပြင်ဦးလွင်ပန်းပွဲတော်ကို သွားဖြစ်ရင်း အနီးနားက မန္တလေးမြို့၊ စစ်ကိုင်းမြို့နဲ့ အင်းဝမြို့ဟောင်းကိုပါ အလည်သွားဖြစ်ခဲ့ပါတယ်။
ခရီးစဉ်အစ
အရင်ဆုံး ရန်ကုန်ကနေ မန္တလေးကို Express ကားနဲ့ ခရီးစခဲ့ပြီး မန္တလေးမှာ မနက်စာစားကာ ပြင်ဦးလွင်ကို တက်ခဲ့ပါတယ်။
အားလုံးလည်း သိပြီးသားဖြစ်တဲ့အတိုင်း ပြင်ဦးလွင်နဲ့ မန္တလေး သိပ်ပြီးမဝေးလှပေမယ့် ရာသီဥတုကတော့ ပြင်ဦးလွင်မှာ အေးအေးစိမ့်စိမ့်နဲ့ တကယ်ပဲ နေလို့ကောင်းပါတယ်။
ပြင်ဦးလွင်ရောက်တော့ ဟိုတယ်မှာအထုပ်တွေချ၊ ရေမိုးချိုး အဝတ်အစားလဲပြီး (ရေကအရမ်းအေးလို့ ရေပူရေအေးနဲ့ ချိုးခဲ့ရပါတယ်။) ပြင်ဦးလွင်မြို့ရဲ့ အထင်ကရ နေရာတွေကို ခြေဆန့်ခဲ့ပါတယ်။
အရင်ဆုံး ပိတ်ချင်းမြောင် မဟာနန္ဒမူ လိုဏ်ဂူတော်ကို သွားခဲ့ပါတယ်။ လိုဏ်ဂူတော်အတွင်းက ဘုရားကို ဝင်ဖူးခဲ့ရင်း အပြန် ပိတ်ချင်းမြောင် ဈေးတန်းမှာ ရောင်းတဲ့ ဒေသ အစားအစာတွေကိုဝယ်စားဖြစ်ခဲ့ပါတယ်။
အဲဒီကနေမှ ဒီဇင်ဘာခြံကိုသွားခဲ့ပြီး နေ့လည်စာဝင်စားဖြစ်ခဲ့ပါတယ်။ ဒီဇင်ဘာခြံက သိပ်ကိုသာယာလို့ စာဖတ်သူတို့ကိုလည်း ပြင်ဦးလွင်ရောက်ရင် သွားခဲ့ဖို့ ပြောလိုက်ပါရစေနော်။
ဒီဇင်ဘာခြံက စားသောက်ဆိုင်တင်မကဘူး အသေးစား မွေးမြူရေးလည်းလုပ်သလို ရေတံခွန်နဲ့ အပန်းဖြေစရာနေရာတွေကိုလည်း လုပ်ထားပေးတာ တွေ့ရပါတယ်။
ဒီဇင်ဘာခြံမှာ နေ့လည်စာစားပြီး ဒီဇင်ဘာခြံရဲ့ ရေတံခွန်ကို သွားဖြစ်ခဲ့ပါတယ်။ အဲဒီကနေမှ မဟာအံ့ထူးကံသာဘုရားကို သွားရောက်ဖူးမျှော်ခဲ့ပြီး ပွဲကောက်ရေတံခွန်သို့ ခရီးဆက်ခဲ့ပါတယ်။
ရေတံခွန်နားက ဈေးတန်းမှာရောင်းတဲ့ လတ်လတ်ဆတ်ဆတ် အသီးအနှံတွေကို ဝယ်စားဖြစ်ခဲ့ပါသေးတယ်။ အဲဒီကနေမှ တရုတ်ဘုံကျောင်းကိုခရီးဆက်ခဲ့ပြီး ဟိုတယ်ပြန်ဖြစ်ခဲ့ပါတယ်။ ညဖက်မှာတော့ ညစာစားပြီး ပြင်ဦးလွင်မြို့ဈေးထဲမှာ စွယ်တာအင်္ကျီလေးတွေ သွားရောက်ကြည့်ဖြစ်ခဲ့သလို ဒေသထွက် ဝိုင်လေးတွေကိုလည်း ဝယ်လာဖြစ်ခဲ့ပါသေးတယ်။
နောက်တစ်နေ့မှာတော့ ပြင်ဦးလွင်ပန်းပွဲတော်ကို သွားရောက်လည်ပတ်ခဲ့ပါတယ်။ ပန်းပွဲတော်မှာ အချိန်အတော်ကြာလည်ပတ်ဖြစ်ခဲ့ရင်းနဲ့ နေ့လည်စာစားပြီး မန္တလေးမြို့ကို ဆင်းလာခဲ့ပါတယ်။
မန္တလေးမြို့မှာ ရွှေကျောင်း၊ ကုသိုလ်တော်ဘုရား၊ မန္တလေးတောင်ဘုရားတွေကို သွားရောက်ဖူးမျှော်ခဲ့ပါတယ်။ မန္တလေးတောင်ကနေ Sunset အလှကိုပါ ကြည့်ရှုခဲ့ရပါတယ်။
အဲဒီကနေမှ ညစာစားပြီး မန္တလေးက ဟိုတယ်ကို ပြန်လာခဲ့ပါတယ်။ နောက်တစ်နေ့မှာတော့ ဟိုတယ်မှာ မနက်စာစားကာ မန္တလေး မဟာမုနိဘုရားကြီး၊ ကျောက်စိမ်းဘုရား ကိုဖူးမျှော်ခဲ့ပြီး စစ်ကိုင်းကို ခရီးဆက်ခဲ့ပါတယ်။
စစ်ကိုင်းမှာတော့ ကောင်းမူတော်ဘုရားကို ပထမဆုံးသွားရောက်ဖူးမျှော်ခဲ့ပြီးတဲ့နောက် စစ်ကိုင်းတောင်ရှိ ဆွမ်းဦးပုညရှင်ဘုရားကို ဖူးမျှော်ကြည်ညိုခဲ့ပါတယ်။
စစ်ကိုင်းကနေမှ အင်းဝမြို့ကို ခရီးဆက်ခဲ့ပါတယ်။ အင်းဝမြို့ကိုသွားဖို့ ဒုဌဝတီမြစ်ကို စက်လှေစီးဖြတ်ခဲ့ပြီး အသွားအပြန်မှ တစ်ယောက် ၁၀၀၀ ပဲကျပါတယ်။
အင်းဝမြို့အဝင်နားမှာ နေ့လည်စာစားခဲ့ပြီး မြင်းလှည်းနဲ့ အင်းဝမြို့တခွင် လည်ပတ်ခဲ့ပါတယ်။ မြင်းလှည်းက တစ်ယောက်ကို ၅၀၀၀ ကျပ်ဖြစ်ပြီး ၃ ယောက်ထိ စီးလို့ရပါတယ်။
ခရီးသွားအများအားဖြင့် မန္တလေး ပြင်ဦးလွင်ကို လာကြပြီး အင်းဝကိုရောက်ဖြစ်ခဲကြပါတယ်။ တကယ်တော့ အင်းဝမြို့ဟာ လည်ပတ်ချင်စရာမြို့လေးတစ်မြို့ပါ။ ဧရာဝတီမြစ်နဲ့ ဒုဌဝတီမြစ်တို့ ဆုံရာအရပ်မှာ တည်ရှိပြီး မြန်မာတို့ရဲ့ ရှေးဟောင်းမြို့တစ်မြို့ဖြစ်ပါတယ်။
အင်းဝမြို့ကို စာရေးသူတို့ စပြီးလည်ပတ်တာ နေ့လည် ၂ နာရီလောက်ဆိုတော့ အင်းဝမှာတောင် အေးဆေး သိပ်မလည်ဖြစ်ခဲ့ပါဘူး။
မသွားမဖြစ်နေရာလေးတွေဖြစ်တဲ့ ဗားဂရာကျောင်းတိုက်၊ မဟာအောင်မြေဘုံစံ (မယ်နုအုဌ်)ကျောင်း ကိုတော့ ရောက်အောင်သွားဖြစ်ခဲ့ပြီး မဟောအောင်မြေဘုံစံကျောင်းရှေ့မှာ အလှစိုက်ထားတဲ့ နေကြာပန်းခင်းနဲ့ ဓာတ်ပုံရိုက်ဖြစ်ခဲ့ပါသေးတယ်။
အင်းဝကအပြန်မှာတော့ မန္တလေး ဦးပိန်တံတားကို ဝင်လည်ရင်း အကြော်စားဖြစ်ခဲ့ပါတယ်။ အဲဒီကနေမှ ညဖက် Express ကားနဲ့ ရန်ကုန်ပြန်လာခဲ့ပါတယ်။
ကုန်ကျခဲ့တဲ့ ခရီးစရိတ်
ခရီးစဉ်ကိုတော့ ၂ ညအိပ် ၃ ရက် သွားခဲ့ပြီး တစ်ယောက်ကိုကားခ ၁ သိန်း ၁သောင်းခွဲကုန်ကျခဲ့ပါတယ်။ သွားတဲ့အဖွဲ့က ၅ ယောက်ဖြစ်ပါတယ်။ ခရီးသွားတိုးလ်အဖွဲ့နဲ့ ချိတ်ပြီး သွားတာပါ။ လာကြိုတဲ့ကားက စီးမယ်ဆိုရင် ၆ယောက်၊ ၇ ယောက်လောက်စီးလို့ရပါတယ်။ ရန်ကုန်ကနေ မန္တလေးကို Express ကားစီးသွားခဲ့ပြီး မန္တလေးမှာ ကားနဲ့လာကြိုပေးပါတယ်။ အဲဒီကနေမှ ပြင်ဦးလွင်ကိုသွားခဲ့တာပါ။ တကယ်လို့ မန္တလေးမှာပဲအိပ်ပြီး ပြင်ဦးလွင်ကိုနေ့ချင်းပြန်လည်မယ်ဆိုရင်တော့ ကားခက တစ်ယောက်ကို ၁ သိန်းပဲကျမှာပါ။ စာရေးသူတို့က ၅ ယောက်သွားတာဆိုတော့ စားသောက်စရိတ်ပါအကုန်လုံးအပြီးကိုမှ တစ်ယောက်ကို စုစုပေါင်း ၁ သိန်းခွဲ ကုန်ကျခဲ့ပါတယ်။ ဘာပဲဖြစ်ဖြစ် အရမ်းတန်တဲ့ခရီးစဉ်တစ်ခုဖြစ်လို့ စာဖတ်သူတို့အတွက် ပြန်လည်မျှဝေလိုက်ပါတယ်နော်။
