မင်္ဂလာပါ။ မေမေတို့ရေ။ အမျိုးသမီးတို့အားလုံးက ကိုယ်ဝန်ဆောင် ကလေးမွေးပြီးရင်တော့ ခန္ဓာကိုယ်အချိုးအစား မကျတော့ဘူး။ ဝလာတယ် စသဖြင့် ညည်းတွားတတ်ကြပါတယ်။ ကိုယ့်ရဲ့ ကလေး ၂ နှစ်လောက်ဆိုရင်တော့ ပိုပြီးဝိတ်ကျအောင် လုပ်လို့ရတယ်နော်။ အင်တာနက်မှာ မျှဝေထားတဲ့ လေ့ကျင့်ခန်းတွေကို မျှဝေပေးချင်ပါတယ်နော်။

၇။ Squat

ကိုယ့်ရဲ့ ကလေးလေးကို ချီပြီး Squat ထိုင်လို့ရတယ်နော်။ အခုပုံမှာပြထားသလို လုပ်ပေးလို့ရပါတယ်။ ကလေးလည်းထိန်းပြီးသား ဝိတ်လည်းကျပြီးသားဖြစ်သွားတာပေါ့။

၆။ Lunges

ဒီလေ့ကျင့်ခန်းကတော့ ခြေထောက်တစ်ဖက်ကို အရှေ့ထုတ် ဒူးညွန့်လိုက်ပြီး ကျန်တဲ့တစ်ဖက်ကို အခုပုံမှာပြထားသလို ချလိုက်ပါ။ ပြီးရင်တစ်ဖက်ချင်းဆီပြောင်းပေးပါ။ ကလေးလေးကို ချီထားပါ။

၅။ Side Lunges

Side Lunges ကတော့ နံပါတ် ၆ လေ့ကျင့်ခန်းလိုပါပဲ။ ဒါပေမယ့် ခြေထောက်က ဘေးဖက်ကို ကားပေးရမှာပါနော်။

၄။ Plie

ခြေဖဝါးနှစ်ဖက်ကို ဘေးထုတ်လိုက်ပြီး ခြေထောက်ကားလိုက်ပါ။ ပြီးရင် Squat ထိုင်သလိုပဲ ထိုင်ချလိုက်ရမှာဖြစ်ပါတယ်။

၃။ Hip Bridges

ကျောကိုလှဲချလိုက်ပါ။ ပြီးရင်ဒူးကိုထောင်ထားလိုက်ပါ။ပြီးရင် တင်နဲ့ ခန္ဓာကိုယ်အလယ်ပိုင်းကို အပေါ် ကြွပေးလိုက်ပါ။ ဘေဘီလေးကို အပေါ်မြောက်ချီထားလိုက်ပါနော်။

၂။ Reverse Curls

ဒူးနှစ်ဖက်ကို အပေါ်ထောက်လိုက်ပါ။ ကလေးလေးကို အဲဒီအပေါ် တင်လိုက်ပါ။ ပြီးရင် ခန္ဓာကိုယ်အပေါ်ပိုင်းကို ကြွပေးလိုက်ပါ။

၁။ Plank ထောက်ခြင်း

ဘေဘီလေးကို ဘေးမှာချပြီး Plank ထောက်ပေးလို့ရပါတယ်။ အဲဒီလို ထောက်ပေးတဲ့အနေအထားအတိုင်း ၁ မိနစ် ၂ မိနစ်လောက်နေပေးပါ။

ကဲ ကလေးလည်း ထိန်းပြီးသား လေ့ကျင့်ခန်းလည်း လုပ်ပြီးသား ဖြစ်တာပေါ့နော်။