အားလုံးပဲ မင်္ဂလာပါ။ ကာတွန်းထဲက မင်းသားလေးလို့ ပြောရင် မျက်လုံးထဲမှာ ဘယ်သူ့ကို မြင်ယောင်ကြလဲဟင်။ W မင်းသားလေး Lee Jong Suk ပဲပေါ့။
Lee Jong Suk က ၁၉၈၉ ခုနှစ်၊ စက်တင်ဘာလ ၁၄ ရက်နေ့မှာ မွေးပါတယ်။
သူ့သွေးအမျိုးအစားကတော့ အေသွေးပါ။
သူ့ထက် (၂)နှစ်ငယ်တဲ့ ညီလေးတစ်ယောက်ရယ်၊ (၄) နှစ်ငယ်တဲ့ ညီမလေးတစ်ယောက်ရှိပါတယ်။
သူကအရမ်းရှက်တတ်တာကိုလည်း သူ့အမာခံပရိတ်သတ်တွေက သိပြီးသားဖြစ်မှာပါ။
သူ့ စံပြပုဂ္ဂိုလ်ကတော့ နာမည်ကြီးမင်းသားချောရိန်းပါ။ ချစ်စံအိမ်ကိုရီးယားဇာတ်လမ်းတွဲကို ကြည့်ပြီးတော့ မင်းသားရိန်းကို အရမ်းအားကျသွားတာတဲ့။
မင်းသားချောလေး Lee Jong Suk က စန္ဒယားတီးတတ်သလို တိုက်ကွမ်ဒိုလည်း ကစားတတ်ပါတယ်။
စန္ဒယားတီးရတာ ကြိုက်နှစ်သက်ပေမဲ့ တိုက်ကွမ်ဒိုကိုတော့ အဖေက အတင်းကစားခိုင်းလို့ ကစားရတာတဲ့လေ။
တစ်ခါတုန်းက တိုက်ကွမ်ဒိုသင်တန်းအသွား လမ်းမှား ကားတိုက်မိလို့ အရွတ်လွဲသွားပြီးဆေးရုံတက်လိုက်ရသေးတယ်။ တိုက်ကွမ်ဒို မကစားရတော့ဘူး ဆိုပြီး ကြိတ်ပျော်နေတာ၊ ဆေးရုံကဆင်းပြီး နောက်ရက်တွေမှာ သူ့အဖေက သူ့ကို တိုက်ကွမ်ဒိုသင်တန်းအတင်းသွားခိုင်းတယ်။
သူ့အဖေက အရမ်းစည်းကမ်းကြီးပြီးတော့ မောင်နှမသုံးယောက်ထဲမှာ သူ့ကို အကြပ်ဆုံးတဲ့။
သူ့စိတ်ကူးထဲက မိန်းကလေးပုံစံကတော့ အနီးစပ်ဆုံးပြောရရင် မင်းသမီးချောလေး Lee Na Young တဲ့၊ ဘာဖြစ်လို့လဲဆိုတော့ သူမရဲ့ တခြားသူတွေနဲ့ မတူတဲ့စကားပြောတဲ့ ပုံစံလေးကို သဘောကျပါတယ်တဲ့။ သူ့မျက်စိထဲမှာ သူမရဲ့ စကားပြောပုံက ချစ်စရာကောင်းနေတယ်တဲ့လေ။ ကဲ Lee Na Young ရဲ့ စကားပြောပုံကို အတုယူပြီးတော့ ကိုယ်တို့ မင်းသားချောလေးကြွေသွားအောင် မစမ်းကြည့်ချင်ကြဘူးလား။
Photo Source: Pinterest.com
Source: kprofiles.com
