ချစ်သူနှစ်ဦး ဆက်ဆံရေးမှာ အဆိပ်အတောက်ဖြစ်စေတဲ့အရာတွေရှိပါတယ်။ သူ့မှာ ဒီလိုလက္ခဏာတွေရှိနေတယ်။ ကိုယ်ကလည်း ဒီလိုခံစားနေရတယ်ဆိုရင် သင်ချစ်သူဟာ သင့်ကိုပျော်စေမှာထက် အဆိပ်အတောက်ပဲဖြစ်စေမှာပါ။
ဖုန်းကိုသင်္ကာမကင်းယူကြည့်ခြင်း
တစ်ယောက်ကိုယ်တစ်ယောက် အပြန်အလှန်ယုံကြည်မှု လေးစားမှုမရှိဘူးဆိုရင် ဆက်ဆံရေးက ဘယ်လိုမှမဆင်ပြေမှာမဟုတ်ပါဘူး။ သင့်ချစ်သူက သင့်ဖုန်းကို စစ်တာ၊ Email တွေကိုစစ်တာမျိုးက သင့်ကိုမယုံကြည်ရာကျပြီး ကိုယ်ရေးကိုယ်တာကိစ္စရပ်တွေကို ချိုးဖောက်ရာလည်းကျစေပါတယ်။ သူသင့်ကိုမယုံဘူးဆိုမှတော့။
ဘယ်လိုဝတ်ရမယ်ဘယ်လိုနေရမယ်ဆိုတာကို ပြောဆိုခြင်း။
သင့်ဝတ်ပုံစားပုံတွေကို သဘောမကျဘူး။ မိတ်ကပ် ဆံပင် အဝတ်အစားတွေကအစ သူပြောသလိုလုပ်သူပြောသလိုနေနေရတယ်ဆိုရင် သင်တို့နှစ်ယောက်ဟာ အဆိပ်ရှိတဲ့ ဆက်ဆံရေးတစ်ခုကိုပိုင်ဆိုင်ထားကြတာပါ။ သင့်ကို တစ်ယောက်ယောက်က အဲလိုလိုက်ပြောနေရင် ကိုယ့်ကိုယ်ကိုယ် ယုံကြည်မှုပျောက်သွားပြီး သိမ်ငယ်သလို ခံစားရစေပါတယ်။ သင်ကြိုက်သလိုဝတ်စားပါ။ ကိုယ့်ယုံကြည်မှုကို တခြားသူကြေင့်လွှင့်မပစ်လိုက်ပါနဲ့။ (တခါတလေ ချစ်လို့ပြောတာကို လက်ခံပါ)
သင့်ရဲ့ သူငယ်ချင်း မိတ်ဆွေတွေနဲ့တွေ့ခွင့်မပေးဘူး။
သင့်သူငယ်ချင်းတွေနဲ့တွေ့မယ်ပြောဆိုင်း အမြဲလိုလိုစိတ်ဆိုးပြီး တားနေတယ်ဆိုရင်တော့ ဒါဟာ ဘယ်လိုမှအဆင်ပြေလာတော့မှာမဟုတ်ပါဘူး။ သင့်ရဲ့ မိတ်ဆွေသူငယ်ချင်း မိသားစုဝင်တွေကနေ အဝေးကိုဆွဲခေါ်ဖို့ သူကြိုးစားနေရင်တော့ သင်သူ့ကို ပြန်စဉ်းစားသင့်ပါတယ်။
သင်တစ်ခုခုတွေးနေတာကို ပြောပြရမှာကြောက်နေတယ်။
သင်သူ့ကို ရိုးရိုးသားသား ပွင့်ပွင့်လင်းလင်း ပြောပြရမှာကြောက်နေတယ်ဆိုရင် သင်တို့နှစ်ဦးဆက်ဆံရေးဟာ မကောင်းတော့ပါဘူး။
သင့်ကိုစော်ကားတယ်။
တကယ်ချစ်တဲ့သူဆိုရင် သင့်ကိုစိတ်ဓါတ်ခိုင်မာစေမှာသာဖြစ်ပြီး သင့်ကိုမျက်ရည်ကျစေမှာမဟုတ်ပါဘူး။ သင့်ချစ်သူဟာ သင့်ကို လူရှေ့သူရှေ့မှာ အမြဲတမ်းစော်ကားပြောဆိုတယ် အမြဲလိုလို ပြစ်တင်နေတယ်ဆိုရင် သင်ပြန်စဉ်းစားပါ။ သူတို့မှာ ဝေဖန်ခွင့်ရှိပါတယ်။ ဒါပေမယ့်လည်း သင့်ကိုအမြဲလိုလို ပြစ်တင်နေတာမျိုးတော့ သင်လက်မခံသင့်ပါဘူး။
သင့်ရဲ့ငွေကြေးသုံးစွဲမှုကို ကန့်သတ်ထိန်းချုပ်ထားတယ်။
ကိုယ်ကအသုံးလွန်နေလို့ ဆိုရင်တော့တစ်မျိုးပေါ့။ အဲလိုမဟုတ်ဘဲ ပိုက်ဆံကုန်သွားရင် ဘာတွေသုံးလိုက်တာလဲ စာရင်းပြဆိုတာမျိုး။ ငွေဘယ်လောက်ကိုပဲ သုံးရမယ်ဆိုတာမျိုး ကန့်သတ်လာရင်တော့ စဉ်းစားပါ။
သင့်သူငယ်ချင်းတွေက သင့်ကိုသတိပေးလာတယ်ဆိုရင်။
သင့်သူငယ်ချင်းတွေက သင်ဝမ်းနည်းနေတာ စိတ်မကောင်းဖြစ်နေတာကို သတိထားမိကြပါတယ်။ ဒါ့ကြောင့် သင့်ကို သတိပေးလာပြီဆိုရင် မျက်စိမပါတဲ့အချစ်ဆိုတာကို မျက်လုံးတပ်ပေးလိုက်ပါ။ ပိတ်ထားတဲ့မျက်လုံးကိုဖွင့်ပြီး သင့်ကိုချစ်တဲ့သူတွေရဲ့စကားကိုနားထောင်ပါ။
