Beauty & Fashion | ကျန်းမာရေး - Health | အဆီချခြင်း - Fat Burning | အလှအပ - Beauty

အစာချေစနစ်ကိုကောင်းမွန်စေပြီး ဝမ်းဗိုက်ကအဆီလျှော့ချဖို့ အိမ်မှာ အလွယ်တကူပြုလုပ်နိုင်တဲ့ လေ့ကျင့်ခန်း ၆ မျိုး

May 13, 2017

အစာချေစနစ်ကိုကောင်းမွန်စေပြီး ဝမ်းဗိုက်ကအဆီလျှော့ချဖို့ အိမ်မှာ အလွယ်တကူပြုလုပ်နိုင်တဲ့ လေ့ကျင့်ခန်း ၆ မျိုး

Share this on:

အစာချေစနစ်ကောင်းမွန်စေပြီး ၀မ်းဗိုက်ကအဆီတွေကိုလည်း လျှော့ချပေးနိုင်ဖို့ ရိုးရှင်းလွယ်ကူပြီး အိမ်မှာ အလွယ်တကူပြုလုပ်လို့ရမယ့် လေ့ကျင့်ခန်းတွေကို မျှဝေပေးချင်ပါတယ်နော်။

ပုံစံ ၁

ထိုင်ချက်အနေအထားနေပါ။ ခြေထောက်နှစ်ဖက်ကို ဟိုဖက်ဒီဖက် ယှက်ပြီး ထိုင်ရမှာပါ။ ညာဖက်က ယှက်ထားရင် ဘယ်ဖက်က လက်ကို ညာဖက်ခြေထောက်ပေးတင်။ ညာဖက်ကလက်ကို ဘေးကိုချပြီး အသက်ကို ခပ်ဖြည်းဖြည်းလေး ရှုလိုက်သွင်းလိုက်လုပ်ပေးပါ။ စက္ကန့် ၃၀ လောက်နေပေးရမှာပါ။ ပြီးရင် နောက်တစ်ဖက်ပြောင်းပါ။

ပုံစံ ၂

ကျောလှဲပြီး ပက်လက်အိပ်ပါ။ ဒူးနှစ်ဖက်ကွေးမြောက်ပြီး လက်နဲ့ ပိုက်ထားပေးပါ။ အသက်ကို မှန်မှန်လေးရှုပြီး ၁ မိနစ်လောက်နေပေးပါ။

ပုံစံ ၃

ကိုယ်ကို မတ်မတ်ရပ် ခြေထောက်နှစ်ဖက်ကို တစ်ညီတည်းထားပါ။ ပြီးရင် တင်ပါးကနေ ဒူးကွေးပြီး ထိုင်ခုံလို ပုံစံမျိုးလုပ်ပေးပါ။ လက်နှစ်ဖက်ကို ခေါင်းအပေါ် တန်းတန်းမြောက်ပြီး၁ မိနစ်လောက်နေပေးရမှာဖြစ်ပါတယ်။

ပုံစံ ၄

ခြေထောက်နှစ်ဖက်ကို တပြေးညီ ထားပြီး မတ်တပ်ရပ်ပါ။ ညာဖက်ခြေထောက်ကို အရှေ့ ဒူးကွေး ထုတ်ပြီး ဘယ်ဖက်ကို အနောက်ဖက် တန်းတန်းဆန့်ထားပါ။ လက်နှစ်ဖက်ကို နောက်ပြန်ပစ်ပြီး ကိုယ်ကို အရှေ့ကိုင်းထားပါ။

ပုံစံ ၅

ကျောလှဲအနေအထားနေပါ။ လက်နှစ်ဖက်ကို ခန္တာကိုယ်အောက်မှာ ယှက်ပြီးထားထားပါ။ ဒူးကိုကွေးလိုက်ပြီး ကျောအောက်ကနေ ပေါင်ထိ အပေါ်ကို မြောက်ပေးပါ။ ဒီပုံအတိုင်း ၁ မိနစ်လောက်နေပြီး အသက်ကို ခပ်ပြင်းပြင်းလေး ရှုလိုက် ထုတ်လိုက်လုပ်ပေးပါ။

ပုံစံ ၆

နံရံတစ်ခုပေါ်မှာ ခြေထောက်နှစ်ဖက်ကို တန်းတန်းဆန့်ပြီး လက်နှစ်ဖက်ကို ဘေးကားထားပါ။ လက်ဖ၀ါးကို မှောက်ထားပါ။ တစ်မိနစ်လောက်နေပြီး အသက်ဖြည်းဖြည်းနဲ့ ခပ်ပြင်းပြင်းလေးရှုလိုက် ထုတ်လုက်လုပ်ပေးပါ။

ဗိုက်ဖောင်တာ အစာမကြေတာတွေကို သက်သာပျောက်ကင်းစေပြီး ၀မ်းဗိုက်ကအဆီတွေကိုလည်း လျှော့ချပေးနိုင်မှာဖြစ်ပါတယ်။ စာဖတ်သူတို့အားလုံး လှသထက် လှနိုင်ကြပါစေ။

Review

User Rating

2.3 (23 Votes)