Lifestyle

ဘာသာစကားတတ်ကျွမ်းမှုကို နှောင့်နှေးစေတဲ့ အမှားများ

November 4, 2018

ဘာသာစကားတတ်ကျွမ်းမှုကို နှောင့်နှေးစေတဲ့ အမှားများ

Share this on:

အားလုံးပဲမင်္ဂလာပါနော်။ မိခင်ဘာသာစကားမဟုတ်ဘဲ နိုင်ငံခြားဘာသာစကားကို လေ့လာတာဟာ အလုပ်အကိုင်အခွင့်အလမ်းအရလည်း ပိုပြီးကောင်းလာသလို ဘာသာစကားကို ပိုပြီးတတ်ကျွမ်းတာက ကိုယ့်အတွက် အခွင့်အရေးတစ်ခုပါပဲ။

ဘာသာစကားတစ်ခုကို လေ့လာတဲ့အခါ ဘာလို့ မတတ်ကျွမ်းတာလဲ။ ကြိုးစားပြီးလေ့လာပေမယ့် ဘာလို့ မအောင်မြင်နိုင်တာလဲ။ သင့်မှာ အခုဖော်ပြမယ့် အမှားတွေများ လုပ်မိနေသလားဆိုတာကို ဆန်းစစ်ကြည့်ဖို့လိုပါမယ်။

ဘာသာစကားလေ့လာတဲ့အခါ တတ်ကျွမ်းမှုကို နှောင့်နှေးစေတဲ့ အမှား (၅) ခုကို ပြောပြပေးသွားပါမယ်နော်။

၁။ တခါတည်းနဲ့ စကားလုံးအသစ်တွေအများကြီးမှတ်မိအောင်ကြိုးစားခြင်း

နိုင်ငံခြားဘာသာစကားတစ်ခုကို လေ့လာတဲ့အခါ စကားလုံးအသစ်ကို အမြဲတမ်း မှတ်မိအောင်ကြိုးစားတတ်ပါတယ်။ Native Speaker တွေတောင်မှ သူတို့ရဲ့ ပင်ရင်းစကားလုံးပေါင်း တစ်သောင်းကျော်လောက်ပဲ သူတို့ဦးနှောက်ထဲမှာ သိုလှောင်ထားပါတယ်။ သင့်အနေနဲ့ကတော့ စကားလုံးပေါင်း ၃ ထောင်ကျော်လောက် သိထားရင် တခြားသူပြောစကားကို ကောင်းကောင်းနားလည်နိုင်ပါပြီ။ ရိုးရှင်းတဲ့ စကားလုံးနဲ့ ဝါကျကိုပဲ ပြောပါ။

၂။ သဒ္ဒါစည်းမျဉ်းတွေအားလုံးကို မှတ်မိအောင်ကြိုးစားခြင်း

သေချာပေါက် သဒ္ဒါက အရေးပါပါတယ်။ သေချာပေါက် လေ့လာဖို့လိုတာပေါ့။ ဒါပေမယ့် အမြဲတမ်း သဒ္ဒါကျအောင် ကြိုးစားနေစရာမလိုပါဘူး။

၃။ တခြားသူပြောစကားကို နားထောင်ဖို့ မေ့နေခြင်း

နိုင်ငံခြားဘာသာစကားကို လေ့လာတဲ့အခါ တခြားသူက ဘယ်လိုစကားလုံးကို သုံးသွားတယ်။ ဘယ်လို သဒ္ဒါအသုံးအနှုန်းနဲ့ ပြောသွားလဲဆိုတာကိုနားထောင်မှ သင့်ရဲ့ ဘာသာစကား အရေး၊ အဖတ်၊ အကြား၊ အပြောစွမ်းရည် တိုးတက်လာမှာပါ။

၎။ သင့်ရဲ့ ဖတ်စာအုပ် (သို့) သင်တန်းစာအုပ်တွေကိုပဲ လေ့လာခြင်း

ဒါကတော့ အကြီးမားဆုံးအမှားတစ်ခုပါပဲ။ သင်အသုံးပြုနေတဲ့ လက်စွဲစာအုပ်တွေမှာ အင်္ဂလိပ်အသုံးအနှုန်းတွေအများကြီး မပါနိုင်ပါဘူး။ ဒါကိုပဲပုံသေစွဲ သတ်မှတ်တာမျိုး မလုပ်သင့်ပါဘူးနော်။

၅။ သင်တန်းကျောင်းတွေကိုပဲ အားကိုးနေခြင်း

အမြဲတမ်း သင်တန်းကျောင်းတွေကိုပဲ အားကိုးနေတာကလည်း ဘာသာစကားလေ့လာတဲ့သူတွေအများစု ပြုလုပ်လေ့ရှိကြပါတယ်။ သေချာပေါက် အားကိုးရမှာပါ။ ဒါပေမယ့် သင်ကိုယ်တိုင်လည်း လေ့လာသင့်ပါတယ်။ အွန်လိုင်းကဖြစ်ဖြစ်၊ ကိုယ့်ရဲ့ သူငယ်ချင်းတွေဆီကဖြစ်ဖြစ်လေ့လာပါ။

By: MyStyle Myanmar

Review

User Rating

0 (0 Votes)
error: Alert: Copyright © 2018. MyStyle Myanmar