အိပ်ရေးမ၀တဲ့အခါ သင့်ရဲ့တစ်နေ့တာမှာဖြစ်လာနိုင်တဲ့ နောက်ဆက်တွဲဆိုးကျိုးများ

အခုနောက်ပိုင်းလူငယ်တော်တော်များများဟာ ညဘက်ဆိုရင် တော်ရုံနဲ့ မအိပ်ကြပါဘူး။ ဖုန်းတွေသုံးပြီး ဂိမ်းဆော့လိုက်၊ Facebook သုံးလိုက်နဲ့ မအိပ်ပဲ မနက်ကျ အလုပ်သွား၊ ကျောင်းသွားနဲ့ဆိုတော့ အိပ်ရေးမဝတာတွေက ဖြစ်လာပါတယ်။ တစ်ညလောက်အိပ်ရေးမဝတာကတော့ ကိစ္စမရှိပေမယ့် နေ့စဉ်ရက်ဆက် ဒီလိုတွေဖြစ်လာမယ်ဆိုရင်တော့ သင့်ရဲ့တစ်နေ့တာမှာ ဖြစ်လာနိုင်တဲ့ နောက်ဆက်တွဲဆိုးကျိုးတွေ အများကြီးရှိပါတယ်။

အိပ်ရေးမဝတဲ့အခါမှာ ပထမဆုံးဖြစ်လာတဲ့ပြဿနာကတော့ ခေါင်းမကြည်တာပါပဲ။ တစ်နေကုန်ခေါင်းမကြည်တဲ့အခါမှာ အရာရာကို စိတ်အလိုမကျဖြစ်ပြီး စိတ်ရှုပ်လာတတ်ပါတယ်။ ကျောင်းတက်နေရတဲ့သူတွေဆိုရင် စာတွေခေါင်းထဲမဝင်တော့ပဲ စာသင်တဲ့အချိန်မှာ အိပ်ငိုက်တာတွေ ဖြစ်တတ်ပါတယ်။ စာကျက်တဲ့အခါမှာလည်း ခေါင်းမကြည်ရင် စာလုံးဝမရပါဘူး။

Source: www.dailymail.co.uk

အလုပ်လုပ်နေရတဲ့သူတွေဆိုလည်း အိပ်ရေးမဝတဲ့အခါမှာ ခေါင်းမကြည်တော့ အလုပ်လုပ်တဲ့အခါ စိတ်မပါတော့ပါဘူး။ အာရုံစိုက်လေ ခေါင်းကိုက်လေ၊ ကွန်ပြူတာကြည့်လေ ခေါင်းကိုက်လေဖြစ်လာမှာပါ။ ဘာလုပ်လုပ်လည်းအဆင်မပြေဘဲ အလွဲလွဲအချော်ချော်တွေ ဖြစ်လာတတ်ပါတယ်။ အိုင်ဒီယာတွေလည်း ဘာမှထွက်မလာတော့ပဲ စိတ်ညစ်နွမ်းပြီး စဉ်းစားမရဖြစ်နေတတ်ပါတယ်။ ဒါကြောင့် လူတစ်ယောက်မှာ အိပ်ရေးဝဖို့က အရမ်းကိုအရေးကြီးပါတယ်။

Source: www.everydayhealth.com

ဘာမှမလုပ်ပဲ အိမ်မှာပဲနေရတဲ့သူတွေကတော့ ညဘက်နောက်ကျမှအိပ်ပြီး မနက်ဆိုလည်း တော်ရုံနဲ့မထတော့ဘူး။ ဒီလိုနောက်ကျမှထလို့ အိပ်ရေးဝတာမှန်ပေမယ့်လည်း ညဘက်စောစောအိပ်ပြီး အိပ်ရေးဝတာလောက်တော့ လန်းဆန်းမှုမရှိပါဘူး။ နေရတာနုံးပြီး မအီမသာဖြစ်တာမျိုးတွေ၊ ခေါင်းမကြည်တာတွေကတော့ အနည်းနဲ့အများဖြစ်လာမှာပါ။ ဒါကြောင့် အိပ်ရေးဝအောင်အိပ်ပြီး စောစောအိပ်ယာဝင်ဖို့ အရမ်းကိုအရေးကြီးပါတယ်။

Source: www.popsugar.com

အိပ်ရေးမဝတဲ့အခါမှာတော့ မျက်ကွင်းတွေကလည်းကျပြီး ညိုလာတဲ့အတွက် ကိုယ့်ရဲ့အလှအပရေးရာကို ထိခိုက်စေပါတယ်။ မိန်းကလေးတွေအရမ်းကြောက်ကြတဲ့ ဝက်ခြံတွေလည်း မျက်နှာပေါ်မှာ ထွက်လာနိုင်ပါတယ်။ ဒါကြောင့် လူတစ်ယောက်ဟာ တစ်နေ့ကိုအိပ်ချိန် ၈ နာရီရှိသင့်ပါတယ်။ ညဘက်ကိုနောက်ကျမှအိပ်တာမျိုးတွေမလုပ်ပဲ ပုံမှန်လေးစောစောအိပ်ပြီး စောစောထတာကတော့ အကောင်းဆုံးပါပဲ။ အိပ်စက်ချိန်နဲ့ နိုးထချိန်ကိုလည်း သတ်မှတ်ထားနိုင်ရင် ပိုကောင်းပါတယ်။