ကယ်လိုရီတွေကိုလောင်ကျွမ်းစေဖို့ ဒီ Workout တမျိုးတည်းကို အိမ်မှာပဲ အလွယ်တကူလုပ်ရအောင်

လေ့လာတွေ့ရှိချက်တွေအရ ၁မိုင်အကွာအဝေးကို ပြေးခြင်းက သင့်ခန္ဓာကိုယ်မှာ ရှိတဲ့ကယ်လိုရီပမာဏ ၁၁၃ ပတ်ဝန်းကျင်လောက်ကို လောင်ကျွမ်းစေပါတယ်တဲ့။ အမှန်တကယ်ပြောရရင်တော့ ပြေးတာထက်ပိုပြီးကောင်းတဲ့ လေ့ကျင့်ခန်းဆိုတာမရှိပါဘူး။

ဒါပေမယ့် တကယ့်လက်တွေ့မှာတော့ ဒါဟာလူတိုင်းအတွက်မလွယ်ကူပါဘူး။ ဒူးနဲ့ပတ်သက်တဲ့ဒဏ်ရာပြသာနာတွေနဲ့ အခြားသော ခန္ဓာကိုယ်ကြံ့ခိုင်မှုနဲ့ဆိုင်တဲ့ ပြသာနာတွေနဲ့ ရင်ဆိုင်ရမှာပါ။

ပုံမှန်အပြေးလေ့ကျင့်နေတဲ့အပြေးသမားတယောက်ဖြစ်နေရင်တောင်မှ နှစ်ရက် သုံးရက်ခြားပြီး အနားပေးရပါတယ်တဲ့။

၁မိုင်ပြေးရတာလောက်တောင်မခက်ခဲဘဲ သူ့အချိန်အပိုင်းအခြားနဲ့သူ ပုံမှန်ပြုလုပ်ပြီး စိတ်ဝင်တစားနဲ့ သေချာအာရုံစိုက်ပြီးပြုလုပ်ပေးမယ်ဆိုရင် ၃မိုင်အပြေးလေ့ကျင့်တာနဲ့ ညီမျှတဲ့ (ဒါမှမဟုတ်) ပိုများတဲ့ကယ်လိုရီတွေကို လောင်ကျွမ်းစေနိုင်တဲ့ Workout တွေ ရှိနေတယ်ဆိုရင် သင်ယုံကြည်ပါ့မလား။

ဒီနည်းလမ်းတွေက သင့်ခန္ဓာကိုယ်ရဲ့ System တွေကိုပြင်းထန်စွာလှုပ်ရှားစေပြီး အပို Energy တွေ ထွက်လာအောင် လှုံ့ဆော်ပေးမှာပါ။ ဒီ Energy ထွက်ပေါ်လာခြင်းက သင့်ခန္ဓာကိုယ်ရဲ့ အိုမင်းရင့်ရော်ခြင်းကိုလည်း နှေးကွေးစေမှာဖြစ်ပါတယ်။

The 60-45-20 Method – ဒါကိုတော့ Tabata Style အချိန်အပိုင်းအခြားနဲ့လေ့ကျင့်တယ်လို့လည်း ခေါ်ကြပါတယ်။ ဘယ်လိုမျိုးလဲဆိုတော့ သင်ဟာ လေ့ကျင့်ခန်းတခုကို စက္ကန့် ၂၀ ကြာအောင်ပြုလုပ်ပြီးရင် ၁၀ စက္ကန့်ပြန်အနားပေးရတာပါ။ ၁၀စက္ကန့်ပြည့်အောင်နားပြီးတာနဲ့ စက္ကန့်၂၀ကြာအောင် လေ့ကျင့်ခန်းပြန်လုပ်တာမျိုးပါ။ သင့်ရဲ့ခန္ဓာကိုယ်ကို အနားမပေးပဲ နှလုံးခုန်နှုန်းပုံမှန်ပြန်ဖြစ်သွားတဲ့အထိ အနားမယူရပါဘူး။

ဒီလိုဆက်တိုက်လုပ်ပေးခြင်းဖြင့် သင့်ရဲ့ နှလုံးခုန်နှုန်းကို အပြင်းအထန်မြှင့်တင်ပေးပြီး ခန္ဓာကိုယ်အချိူးအဆစ်နဲ့အဆီပိုတွေကို လိုအပ်သလို ထိန်းညှိသွားမှာပါ။ လက်တွေ့ပြုလုပ်ဖို့အတွက် Training Session တခုအတွင်းမှာ ကယ်လိုရီ ၁၀၀ မှ ၁၄၀ ထိ လောင်ကျွမ်းစေနိုင်တဲ့ Workout တခု ပြောပြပေးပါမယ်။